2014-03-27 15:22:02森源
食樹皮…
對於我哋呢一代來講，「捱餓」呢個詞好似唔屬於呢個社會～～以前都會聽到上一輩的人講：餓到要食樹皮…通常我哋只會當係講笑！！因為冇經歷過就唔會感受到當中的慘況！
有日無意中睇到一個網站，主要係講返一些歷史資料，原來以前真有實証：大饑荒的時候真係要食樹皮…
在1942-1943年，河南發生了大旱災，旱災之後又遇蝗災，當年的饑荒遍及全省110個縣，據資料所估計當時有1000萬人受災，有300萬人餓死…其他人就要四出各地做流氓找食物，有些在途中餓死，病死，甚至在擠迫的火車上摔地而死…
當你見到相中的事實，你就自然會覺得每日有溫飽，已經是一個福氣！！
現今的香港，基本上都唔可能出現「饑餓」兩個字，有次外出食飯，竟然見到有枱人食剩了很多食物，見到伙計將枱上仲食得的食物掃到廚餘盆內！同枱的人都望到眼定定…
政府都開始宣傳啦～～惜食為香港嘛！！道理都唔再長氣講，人人皆知…但係知又未必會做…雖然時至今日的港人唔駛捱餓，但仍然有好多國家的人活在饑餓中…所以惜食唔單止為香港或者為未來，仲可以為自己積吓福！！
我都想祖母講過佢食樹皮的經歷，真係好慘﹗雖然我未經驗過沒有溫飽的日子，但我好珍惜食物。因此，今日教學生珍惜食物尤其重視，因為他們得來太易。
版主回應
對呀~~新一代的小朋友根本就食物充裕，所以教導他們對食物的重視好緊要，至少唔會浪費食物嘛~~通常上一輩的人對食物都會加以珍惜！ 2014-04-02 09:18:21
真惜食物!
聽過大躍進時也要食樹皮
版主回應
可能以前的人比較吃得苦...好多艱難的時期,個個都食樹皮捱過~~換上而家的人就... 2014-03-30 18:52:43
出親去食野都見到左右隔離枱有好多野食剩，我睇到好眼冤，最好啲酒樓食肆，喺枱布上面印啲饑饉圖片或者畫，印埋惜食勿浪費字句，唔知會唔會好啲呢。
而家有好多食肆都有張貼呢類標語, 勸告人唔好浪費食物… 2014-04-14 10:03:17