2014-03-20 15:09:23森源
非一般的鳳梨酥…
一講到鳳梨酥，好多人都會即時諗起come from Taiwan，每逢有人去完台灣旅行，總有一兩包鳳梨酥做手信…就等同香港的老婆餅，相信大家都同樣咁有代表性！但係平時我哋食得最多都係包裝的鳳梨酥…當然啦！包裝的食品質素好參差，有啲就O.K…有啲就麻麻地，最怕就係食到油嗌味，而內裡的鳳梨餡就簡直係菠蘿果醬，自己就好少買呢類包裝鳳梨酥…
自從森伯讀咗營養學的課程之後，連帶個人都嘴刁咗（一向都係麻煩友一名…）要食就儘量食新鮮的比較好，所以都會揀新鮮製做，至於平時聽得最多都係出爐蛋撻…出爐麵包…新鮮兼且好味！而新鮮的鳳梨酥就唔係咁多見！
雖然佢外表唔係我哋見慣的四四方方，佢做到好似一個菠蘿仔咁款～～
唔係得個外表仲要睇埋＂內涵＂，佢裡面的餡料亦都唔似菠蘿果醬，唔似人工的香料味，更冇黃黃的色素…比較自然～～
食多幾個都唔會飽夾滯，清清地唔太甜，呢個真係森伯推介！！
至於我哋平時食開的鳳梨酥就係呢類！！冇錯！！是同事的手信～～一拆開包裝紙，就聞到濃濃的香味，好一樽菠蘿果醬味，哈哈！
但我介紹的新鮮鳳梨酥是港式餅店整，當然佢同食開的鳳梨酥口味是兩回事，但食起來就比較自然！！
森兄
e 排聽講熊仔食貓面 , 我都要被被啦 , 唔想冇啦啦變米粉...哈哈
版主回應
熊仔食貓麵??!!咁大鑊.....我諗博兄呢排都係唔好惹佢~~免得殃及池魚丫…… 2014-03-27 15:33:38
冇0左死虎連 "豬豬 " 都失去連絡 . .森仔仲有冇搵佢地 ?
版主回應
當然冇啦~~網海茫茫…都唔知響邊樹??!!~~不過好在仲有你哋可以聯絡…
都係嗰句啦~~希望你快啲有新blog…延續你同博兄的「妙語連珠」XXD 2014-03-27 09:09:39
熊仔講得啱,唔見咗"豬豬", 應該搵唔番. 因為她before yahoo closed 已棄自己 yahoo blog多時, really miss our friend :(((
轉用另一個Blog…都預料以前的Blog友漸漸少……(慨嘆中) 2014-03-27 15:34:49