2014-03-17 17:09:20森源
養到「森」淡…
仲記得有個魚缸品牌一句slogan…養魚令你添樂趣！！查實養什麼寵物都可以令到你的生活上加添不少趣味～～由細到大都鍾意養寵物，不過現在發覺打理寵物其實是要花唔少心機與精神！就好似早幾年前，突然想在屋企養些小魚，再之前都養過的，不過認為可以養得好，就心血來潮尊程走去魚街買很多養魚用品，就諗住一個小小魚缸應該都幾易打理，而且淡水魚應該比較好養兼且粗生！
當然養什麼動物之前，都應該做下功課！！免得累人（自己）又累物（寵物）
人好得意，往往幻想都是最美麗…好多事情都是由一個幻想開始，但現實又會否一樣呢？直至養到才知養魚都要撞下手神…
初時都好有心機，魚缸要有五顏六色的小魚才吸引，買了很多種小魚，搞到魚缸幾有生氣，見到班小魚游來游去睇落都幾醒神，不過魚仔都幾脆弱，幾易死的！至於換水洗魚缸更不會偷懶，從買魚缸到目前，都已經有七年時間，當中死了魚又再買魚，買完魚又再死魚…不斷重複，聽落都已經怕怕地…結果在上年決定唔再養，唔再補充小魚～真正要暫時劃上一個養魚句號…
這小魚三、四條是小魚缸的最後霸主，不過已成過去…之後再冇補魚了！！
都冇考究咩原因導致魚缸冷清清，我估係魚缸位置可能唔適合，又或者現今魚場很多用抗生素養魚，搞到小魚冇抵抗力容易死…畢竟唔需要理會結果怎樣，享愛當中的過程才是了～～
森兄
擺左盆黃皮樹上 blog 喇.
版主回應
黃皮樹到成熟時會好大…你屋企有後花園??!!我試過用柑桔核種桔仔,佢可以出芽到長苗……
之不過種唔大!!迷你小桔B~~ 2014-03-20 09:15:51
森兄
我以前養過至粗生o既 豬仔魚,由手指公大養到手掌咁大大大呀最後升天了,e 家種樹 :由黃皮核發芽慢慢長大放在窗前睇見幾舒服架,得閒擺上網你睇睇.
版主回應
你講起,又令我記起細個養的菠蘿魚, 買回來的時候好細條, 之後就睇住佢大,養得好靚, 整條杏白色, 有好幾條…以前的魚仔可能食紅蟲, 抵抗力比較好, 而家餵魚糧冇咁天然, 又或者本身魚的質素比較弱~~
2014-03-20 09:13:11
小時候阿哥在家中養了幾缸咸水魚，令我知道養魚真係一種花精神心機同金錢嘅嗜好，諗起都要多謝阿哥為我地生活加上不少色彩
相信養鹹水魚更加需要擺更多的心機~~ 2014-03-26 09:19:55