事與願「唯」…
‧最近話題都離唔開馬航呢單新聞，成架航機神秘失蹤，當人唔知真相時往往都充滿住神秘色彩…整件事件相信最慘痛就是乘客的家屬，一切事情也幫不了，只好繼續期待消息的來臨…唔好講一架飛機，就算無端端一個人都會隨時失蹤，其實警方的失蹤人口都好多，但好多都搵唔返…往往都係下落不明～聽落都幾驚架！
唯盼事件早日得個明白…
‧又開課了～～只是一個進修課程！查實當完成了營養學課程後，都已經知道營養學的基本概念，幸好功課OK可以獲取修業証書！其實好想繼續讀埋營養學的文憑課程，但舉辦的學校又唔知咩頭咩路（唔出名的），而學費下下都要萬萬聲，兼且又會讀得幾吃力，讀書都算一種投資，又冇諗要做有關營養的工作，只是想了解多啲有關營養方面的知識幫下自己啫～～
唯有暫時擱置…
‧一到三月，香港的天氣都逐步潮濕，今日望出去見到薄霧一片，有人話要日日開抽濕機，有人話呢幾日連被單都濕，又令我記起以前住青衣的時候，天氣潮濕到水管會出水，床被都感覺濕濕地，好似訓水床咁！哈哈…抽濕機一定要開，唔係牆就會一撻撻發毛～～唔駛問啦！！呢個時候風濕又會發作，本來都要請病假，不過個人仲頂得住……
唯有見步行步咁啦！！
玫瑰
有消息話某國家講大話，應該知道架機去左邊!因為政治問題，未有下台階，所以未出黎公告天下!唔知真定假?!
版主回應
呢單新聞到目前仲係一個謎.好多消息都是一些似幻似真的揣測~~都有可能有政治原因~~總之香港人都係得個"睇"字!!
玫瑰
咁大架飛機都可以唔見左，真係唔明?!
呀博
森兄
路過 早晨
愚
恭喜晒﹗你真係好勤力，繼續加油﹗
版主回應
多謝~~工餘進修都幾吃力!!
好似冇咩時間...
(悄悄話)
kammy
聽收音機講,原來係1990年,有一架不明來歷的飛機降落,竟然發現是35年前失蹤的一架飛機,機上乘客是35年前的人,全部生存...另外一則, 又是一架不明來歷的飛機降落,可惜的是,全部人無人幸免...也是35年後出現... 不過馬航失蹤,都唔希望得到壞消息,最起碼還有希望...
版主回應
近排都有主持摷返有關新聞來講, 又話飛機進入了時光隧道, 過了咁多年, 機內的搭客個個樣貌都冇變, 奇怪大家都冇老過…聽落好詭異, 或者世界之大無奇不有…當事情未有真相, 都會諗其他的奇事~~
以前都有聽過百慕達三角, 時常有船或飛機闖進領區域內, 就會消失…啲人話百慕達三角係黑洞個入口~~~
呀博
森兄
有冇諗過耍下太極呢 , 聽聞練太極可舒緩關節痛.
版主回應
博兄：我以前跟人學過氣功…但隔了一排都忘記當中的招式~~
只要冇咁潮濕, 個人的心身有休息, 應該冇乜野…你有心!!!
繪畫樂園
馬航失蹤呢件事，專家都束手無策，講得黃大仙噤靈，點解啲人唔去求番支簽問吓黃大仙呢。
版主回應
事情未有新線索, 大家都唔知可以做啲咩!!!唯有繼續等消息, 最傷痛都莫過於一班搭客的家屬們…心情好忐忑~~
ohtria
我都好怕潮濕
ykk
馬航事件令人憂心, 但最另人angry的是, 有無聊的人, 製造合成假圖片, 謠言傷害等消息家人.
版主回應
人家傷痛的時候, 還要拿來做假, 這些人都好冇品德…
一日未知真況, 家屬只有繼續等消息~~
stella
成架飛機失蹤真費解？？？
ykk
覺得森兄很有上進心,人不進則退,努力森造.
版主回應
其實都唔係咩上進心, 都係覺得有用才學…否則不能學以致用~~
ykk
啱啱買了抽濕機,日日滿一桶, 以前未有抽濕機時就好煩惱!!!
版主回應
香港的春天, 不能少了抽濕機, 有了它室內乾爽得多…
搞一爺
仲未學識拮自己去風濕。
版主回應
假設手上有針，都唔敢亂咁拮啦！何況我冇學過針灸……
Gael
喱排洗衫都景晾極唔乾
BIM
有時候唯有講句既來之則安之，希望森兄柳暗花明
版主回應
學你話齋：既來之則安之…煮到嚟就食，唔駛憂太多～～
man-man
近排潮濕到冇朋友呀。
版主回應
識多啲女性朋友咪得囉!!!據聞女性用水做…..（個gag好鬼爛！）
有消息話某國家講大話，應該知道架機去左邊!因為政治問題，未有下台階，所以未出黎公告天下!唔知真定假?!