2014-03-10 14:19:21森源
來自星星的森伯...
最近成日都聽人提起星星，睇報紙都會講起星星…可想而知，韓劇又再興起…或者一路都興，只係Out Out的森伯完全冇追劇啫！！
初時完全唔清楚邊度播呢套劇，點解好似好多人都睇…不時報紙會講下，電台亦會講下…不過身邊的人們又好少提起呢套韓劇～～到最後有人同森伯講，原來大家都在網上追星星…之不過我啲啲都未睇過！！完全唔入流～～平時港劇都冇睇啦～更何況追韓劇…
呢套韓劇除左帶旺劇中主角之外，仲帶挈埋賣炸雞啤酒的食店，好似話賣呢類食品的舖頭都大排長龍…只要加「星星」兩個字都有著數…（個勢真係好勁喎！又係韓劇效應！）
既然食住個勢，森伯都想講下自己有乜關「星星」的事～～除左人老起身踎低…見滿天星星之外XXXD…都冇咩特別事同星星有關……
記得好耐以前，有人教我摺過幸運星，因為唔難摺所以到目前仲記得，當年摺呢種幸運星都成過潮流，好多文具店都有摺星星的紙條買…好多學生仔都摺來送畀同學仔…相信時下的學生就冇咁有耐性～～
印象中，森伯冇收過成樽的幸運星，更冇咩可能摺成樽幸運星送畀人啦！若到今時今日仲收到有人肯摺成樽幸運星畀你，相信呢位友人都交得過……
既然講得來自星星的森伯，連我都相信自己來自土星…不過前面加多個「老」字！！XXXD有時都覺得自己係幾Out吓～～
我都有摺過^^
星星無睇,不過有睇無記依家有播的野王,始終覺得韓劇比較老土
版主回應
摺過一定記得，唔太難…我都無睇星星… 野王??!!完全唔知咩劇?!!…...
韓劇劇情來來去去差唔多冇太大興趣睇~~ 2014-03-13 14:15:30
我都係早幾個月學識，因為⋯逗小朋友：）
版主回應
小朋友好多時坐唔定, 學返一招半式逗下佢地都需要…
2014-03-13 14:14:38
哈哈哈......我被你更老﹗我全完唔知，係今日得閒聽到同事講先知，有時間的話我都會睇下，係咪真係咁吸引:P
好野~~都有人陪森伯一樣咁out......XXXD 2014-03-15 10:08:09