2014-03-03 16:37:48森源
森伯講《秘密》
想買這本書來睇都已經很耐，其實購買之前都知道呢本書大致上講什麼！坊間呢類書有很多很多，我都買了好幾本類似的書！不過論到有名，就非呢本書莫屬～～
終於有機會睇完《秘密》呢本書，有種好似追小說咁追，一日睇少少…當然有空就睇睇，沒時間就閒置一邊！！都好耐沒試過追書睇，一來自己近年少買書，二來又沒有太多地方擺書，除非呢本書好想睇或有意思，否則都未必想買！
書中所講的秘密，就是當中的「念力」相信睇開呢類書的朋友都知道是什麼一回事，講到成功，無論你是什麼人，做什麼工作，年紀有幾大…都可以成功達成心目中想要的模樣或東西，只要學會掌握「念力」這不可思議的東西，就會慢慢實現你所想的！
呢種念力唔單止可以運用在你的事業、財富、感情世界裡、甚至在健康上，無一不可（書中有很多例子），當你有正面的意志，整個宇宙就會開始運作，開始去幫助你…
除了睇書之外，當中也有很多有關訓練念力的小實習，可以畀讀者練習一下…仲有一些小道具，可以從它網址裡下載過來慢慢練習…增加了少少趣味性！
把想要的寫在你的生命黑板上？！要諗諗先！！（用黑板來形容幾好，寫了冇實現的，就當粉筆字抹咗去囉！ＸＸＸＸＤ）
據本書所講，其實人生可以很不平凡的，只要你懂得運用當中的秘密，就會變得不平凡，除非你甘於平凡，享受平凡，就自然變一個平凡的人！
睇完呢本書，念力意志能否改變人生呢？就真係要等時間去印證！！可以即時學到嘅，就係幾時都要保持正面的思想…講就易，要做到就未必咁易～～
我哋早前過農曆年，成日講的恭賀說話──心想事成！原來同「秘密」有異曲同工的道理！！
幾年前我已經睇過呢本書, 書中所謂的念力和宇宙的力量我是相信的, 因我真的嘗試過, 真是成功! 這個世界有更多我們未知的事情, 就算我現在有宗教信仰, 也可能會有更多其他的力量.
版主回應
呢本書出版了很耐, 不過早前先買來睇~~念力最重要的一環是信心, 在行駛念力前一定要對此有信心, 信心越大, 念力就會越強!!! 我是相信的, 因為這個世界有無限可能, 很多估唔到的事情都可以發生…多謝你分享你的親身體驗~~
2014-03-07 09:54:30
「念力」都好講意志、恆心、堅忍...自問我冇咩耐性。
版主回應
也說得對,所以用意志念力來為自己帶來成功,真不容易的~~
2014-03-06 09:17:24
句句金石良言！