2014-02-27 16:34:37森源
針針到肉…
一直都很想試下「針灸」到底係咩一回事，聽人講加上睇人試過，都發覺功效幾神奇，其實我們慣稱的針灸，是用針用灸去治病！而平時一般只是施針，而好少加埋藥灸一齊醫，由灸的熱力來刺激穴位…不過好多時除了針療仲要藥療（即係飲苦茶），可算是雙管齊下！！我自己未試過，不過聽人講好手勢的針灸師傅，施針時會唔覺，拮咗都唔知，森諗：有冇咁犀利呀？？亦都聽人講過針完之後傷口腫晒！不過我唔知針灸會唔會用即棄針，否則幾唔衛生…下次有機會要問吓人先～
醫病都可以講為：條條大路通羅馬…呢樣唔啱又可以揀第二樣！！傳統中醫都係把下脈，飲下涼茶！針灸、穴位按摩、耳療手療（同腳底按摩差唔多）、拔罐（聽人講未見識過…）刮痧…都係另類的治療選擇！！記得細個時都睇過跌打，仲好記得要敷藥包紮，試諗下濕濕的藥敷在皮膚上，隔得兩三日就會好痕好辛苦，結果抓到損晒！！傷上加傷…
早前聽有人講過，某某人的手傷得很重而且壞死…西醫都準備為佢安排截肢，但佢卻信會醫得好，最後搵到跌打師傅來醫，結果不出所料醫好了！手還可以郁動…聽落都感到那人好好彩～～
所以每種醫術都有它可取之處，而且病人既然信得這種醫術，都要有信心先會醫得好！呢種態度先係最重要！
ykk在1992年時有不明疾病，右手右腳好唔舒服，成日都好似有電流，最後用電子針灸（脈衝式）穴位會刺痛及肌肉受按摩，醫了約十個月後痊癒型今！
ps 針灸之前曾做了多之西醫物體治療無效！！！
版主回應
我都認為一些無明病症,應該試下呢類另類療法比較好,不過一定要遇到夾自己的醫師,咁就可以藥到病除...西醫的物理治療只是癒後作為一種運動,並非針對病症的本身,醫治最緊要治本... 2014-03-02 11:14:22
我隻右手年前向後打圈時出現困難，做左針炙好番好多，不過好痛﹗因為我針耳仔。
版主回應
我都認為有些病症,痛症用穴位治療應該幾好,針灸就是其中一種...不過要有耐性,不能操之過急...
2014-03-02 11:07:51
我近年都有去針灸，當落好針再縛山電線至發電機，然後針同電刺激穴位⋯感覺似以前睇龍虎門裡面有個電王！
感覺上傳統針灸比較好… 2014-03-03 16:38:50