2014-02-14 09:25:32森源
一個有回憶的地方…
當遇有過時過節，時間就會過得特別快～不知不覺又來到二月中旬！今年有些日子都幾有趣，年頭的一月份1月1日是新曆年，1月31日是農曆年初一，正正月頭月尾都係過年！至於第二個有趣的日子就係新曆的2月14日是西方情人節，同一日又係中國情人節，即係元宵佳節…睇報紙又話唔知幾多對新人又要響呢日結婚擺酒之類！！真係世界無新事，日日都有紀念事……哈哈
在好耐好耐以前，每逢過年期間都會去行下逛下，趁機買些實用品，以前青衣冇乜購物點，要買東西購物都等同出省差唔多！當然其後有青衣城啦！
講開又講，唔知點解以前到這裡都會選擇在過年，其一可能有假期、其二可能人來人往夠氣氛、其三可能這裡買的東西夠「雜」就算唔買都可以睇下！以前網誌都講過，唯獨影音店舖就少了很多……
不過到現在，這裡仍有很多東西買，價錢都好街坊價！對於貨色又唔係太講究的話，都可以睇下有冇心頭好買到！放工時候，呢度都人頭湧湧，最主要有得食通常都會好旺場！！
夜幕低垂，很多人都喜歡放工後找個落腳點暫時停一停，有些人可能到來轉車歸途中，有些人可能到來醫醫肚，有些人可能到來買些東西，亦有些人可能只是無目的行行睇睇！或者大多數的人在這一刻都需要一個緩衝地帶！！
無論乜野目的，最緊要係開開心心，咁就得喇。
版主回應
認同~~無論去邊度都唔緊要,一齊開開心心便是了!!
2014-02-16 13:00:53
今年真係好事齊來，年頭結婚，年尾生B，噤就真係由年頭好到年尾喇，很精采既馬年。
恭喜你呀森源，又成為優秀文章之首，又可以做善事，森源真係馬到功成喇。
版主回應
每一年總有些日子很有趣,通常很多人都係為了易記都選定為乜乜紀念日...乜我成為優秀文章之首@@...@@...我都想知邊度網頁可以睇得到??!! 2014-02-16 12:57:19
ykk 都喜歡到日本城買家居用品。但印象中只去過青衣城一次。仲係開張時個次。