森春點滴@good事成雙
今篇是今個馬年的第一篇Blog
新正頭都繼續要講些好說話：祝各位馬年馬上行大運，事事如意～～
現在都係過年時份，點都要講下自家的新年點點滴滴！
查實一年裡面可以感受到有氣氛的節日唔多，農曆年是其中一個，大家都會為過年去準備，呢份的心情相信就是節日最高興的地方…
今趟森Blog就唔逐張相出，一出就打孖來！好事點都要打孖來！！
桃花處處
新年期間桃花一定唔少得，有真的桃花，亦有電子桃花…電子桃花都唔錯，不過感覺好生硬…
花開富貴
今年的年花可算多彩多姿，年花以小菊為主，我認為這棵花最靚靚！而且今年棵水仙都唔錯花開得多開得大！！
而棵大吉是外出影的，棵大吉樹好高大，左右各一相當夠氣勢！！
步步高陞
一到過時過節，相信最忙就係森媽，之前都提過森媽整糕好拿手，而我又唔係種種糕都食得，所以就整了紅荳糕、馬蹄糕畀我…糕的質素很好，而且用料十足，唔太甜又好食，啱晒我呢類老人家！！咁當然紅荳糕有紅荳味，而且實的的！馬蹄糕更晶瑩剔透～～諗起都好想食！！
森馬獻瑞
過年一定有吉祥物，呢個小獅子頭是上年買的，既環保又應節，另外馬年點都唔少得畫馬啦！！畫馬一向唔容易尤其馬蹄腳，所以很少畫，呢隻馬仔就咁用素描筆畫，都算幾滿意！大家都可以評下分…新年流流唔會畀零分卦！！kakakaaaa
假期過後，又點會咁快回復狀態返工！！仲話咩龍馬精神喎～做隻瑞（睡）馬好過啦！！
kammy
繪圖樂園好識貨呀!!!森伯可以問森媽公開食譜嗎?我都好想學呀(^.^)流口水了...
版主回應
多謝你們賞識森媽的製作！！
始終每人都有自己心中的食譜…整出來又係另一種口味…
不過我試問下，若能夠可在blog上講講…
繪畫樂園
我個相公都有整過三底馬蹄糕，味道咬口都唔錯，但帶點黃色，沒有森媽的那麼晶瑩通透，我是用純正廣州泮塘馬蹄粉和白砂糖做的，沒有加其他粉，真係要請教吓森媽做馬蹄糕是用甚麼材料做。
版主回應
其實我又唔太清楚，有時見人家都有黃黃地色的馬蹄糕，而見慣森媽做的馬蹄糕是白色晶瑩剔透，內裡有很多馬蹄碎，而且食落口感都唔錯！有機會都想問問森媽～始終傳統糕點的製作，每個人都有自己唔同的一個食譜與方法…
kammy
下星期又大凍啦~森伯記得保暖呀^^
版主回應
kammy:多謝關心
天聞台好準確，話說今週會凍到十度…今早已經凍了很多~~~~
愚
小菊很美麗。
祝您龍馬精神，萬事如意，馬年行好運。
我星期一正常上班了。
版主回應
謝謝愚老師！新一年祝您萬事都有新展望，事事如意稱心！
再祝您開工大吉，有個順意的開始~~
BIM
馬腳可以再長D，睇嚟更瓢逸。祝森兄開工大吉，心中所求在馬年一一達到
版主回應
多謝你的祝福~~我都祝大家所望所想的都能早日達到…
畫馬都為求合乎比例！可能森伯畫畫未到家，馬腳畫得太長，我怕變成八爪魚…哈哈
玫瑰
祝森源兄馬年順景，財源廣進，身體健康!
版主回應
謝謝玫瑰！我都祝你新年新展望, 處處都有好的發展~~
herotang
自家製愛心糕點加埋隻栩栩如生的駿馬,肯定滿晒分!
祝馬年大吉大利行大運!
版主回應
謝謝讚賞~~新春節目都不外乎，食下糕，聽下賀年歌…或者比較傳統但這才有氣氛…
我都祝你事事如意，手下的相片，張張都是佳作～～
繪畫樂園
森媽做既糕，正係外觀都俾滿分，如果有得食就更爆燈，你真有口福。馬年畫馬，馬上有口福，馬兒皮光肉滑，健康又年青，馬到功成，你一定行好運。
版主回應
因為森媽的糕點是自家製，賣相未必有外邊買的咁靚咁完整，不過食起來很好味！！森爸都會在大年初一做湯丸…又唔知你有冇為家人整些過年食品呢？！
馬年畫馬應下節！！我都祝你馬年大旺，事事如意～～
熊仔
森仔.. 你來拜年咪俾利是係啦.. 哈哈 .. 今年 食0左幾多底蘿蔔糕呀 ?
版主回應
已經叫左博兄幫我逗埋利是, 到時你記得畀多封佢呀!!!hehe
熊仔某聽書!!!森伯好多糕唔食得…當中包括蘿蔔糕~~~~
搞一爺
我午、晚餐都有採青，不過，醒獅就有利是收，我就得個吉。
版主回應
午、晚餐都有採青……體質必然大吉大利, 唔會得個吉嘅~~
搞一爺
揾隻獅子頭黎採青啦！你要記得同佢點睛呀！
版主回應
我諗你把口靈活過呢隻小獅頭…佢個口唔識郁~~
不如交由你採青, 順便幫你點埋睛…OK!!! 哈哈哈
ykk
哈哈！森花露放，糕糕在嘗！獅錢賞後，馬到功成！
版主回應
KK兄句句有食字…果然有食力!!!
我好求其, 一句森想事成…就得架喇~~
kammy
d糕點睇到都好想食呀~一定好好食呢~隻馬仔比森伯100分~~咁森伯以後行運就滿100分啦~^0^~
版主回應
因為森媽做糕是真材實料, 無添加…所以比較好, 紅荳好大粒好粉…
謝謝! 馬是應馬年畫下, 我都祝你事事如意, 想嗰樣得嗰樣~~
stella
恭喜！可以吃到老人家的過年糕點真係好福氣！
你的駿馬迎春！一定龍馬精神！
版主回應
你講森媽老人家, 佢唔鍾意架!!!....XXD你講森伯就無所謂…
馬寓意有衝勁, 我們有時都會欠缺…願新一年大家都馬勁十足~~
ohtria
咁100分啦.
版主回應
咁有咩獎品先?!!!..........XXXD
BIM
森伯母嘅巧手糕點果然引人留口水！新春佳節就盡情享受，祝馬年更精彩，更上一層樓
版主回應
森媽整的糕點好有水準，絕不是街買的貨色！甜而不膩！！
都祝您身體健康；心想的會成真！！
man-man
恭喜發財！龍馬精神！
馬馬畫得幾好，神彩飛揚。
版主回應
謝謝~~也祝你身體健康, 心想事成!!
話晒而家過年, 隻馬梗要神采飛揚啦…
呀博
森兄
新正頭來個 身體健康 馬到功成 恭喜恭喜
Good事成雙 昨晚六合彩先中三個字 , 16 號熊仔派利是 , yeah
森兄畫隻駿馬耍扣小小分 ,整體看來馬身肥肥地又有肚腩仔 , 可能過年食得糕點多 哈哈 ,都係上篇隻有氣勢...
版主回應
多謝博兄 : 我都祝博兄腳法如神, 球球必入…對方個龍門！
16 號熊仔派利是?!!...咁好！博兄記得幫森伯逗多封呀！識熊仔咁耐都未逗過佢利是…
新年流流隻馬要肥少少先夠福相，就係上篇有人話隻馬多左啲野，所以今篇畫返隻正經馬～～
Gael
咁我都祝森兄桃花運打孖上XXXD
版主回應
過年乜都要打孖上！！當然講好事啦～～
講明桃花處處自然好運就食住上啦…
謝謝森伯~^^~