森伯出馬…
新年總少不免要講啲有意頭的恭賀說話，等森伯都同大家拜個年！！今年的新春之際，相信都離唔開個馬字！！
總聽到一大炸有關馬的恭賀詞～～
首先祝大家馬年暢旺，事事如意～～
祝各位同學仔：馬年進步；更勝舊年
祝各位生意人：馬到功成；周年暢旺
祝各位潺弱仔：龍馬精神；身體健康
祝各位好賭仔：馬運享通；旗開得勝
祝各位打工仔：馬年順利；升職加薪
祝各位有志者：是千里馬；遇見伯樂
祝各位創作人：思潮有如；萬馬奔騰
祝各位Blog友：馬年大吉；樣樣稱心！！
大年初時份應該都好少上網，尤其現在家中的網更加飄飄忽忽…哈哈！所以本來有些相片，暫時都要擱置放下，只好寫些文字Blog！
本來要寫的新春點滴，就唯有待日後再整理！！
已經好耐冇買過（傳統的）揮春貼，今年都要買番兩張應下節…..
之就是：出入平安；同身體健康…
無論健康與平安…其實兩者都好重要！！
圖：因手頭上沒有科學毛筆，臨時臨急唯有用幼身的繪圖筆頂住檔，畫了一幅馬字畫！雖然看得到是填筆，幸好仍不失駿馬那種蒼勁！！
圖：謝謝友人寄來的農曆年賀卡，願大家新年都有一番好景象！謝謝你的祝福恭賀！！
呀博
森兄
熊仔騎木馬得架啦 , 比隻赤兔馬佢騎 , 嚇壞隻熊添..
版主回應
我諗熊仔騎馬當運動~~總之有錢人連運動都high class啲!! kakakaaa
唔知博兄初三有冇睇賀歲波呢??!!
熊仔
森仔. .幾時畫番張 熊仔騎馬俾我呀 .. ^ ^ 祝你馬年身體健康, 工作順利呀
版主回應
乜熊仔識騎馬架?!!有錢人玩意喎~~~
祝你工作如意,事事稱心,身體健康!!
Gael
係喎多咗隻腳XXXD
版主回應
乜多咗隻腳唔係跑得快啲咩?!!......
一馬當先就係咁黎~~XXXXXD
呀博
森兄
恭喜發財 恭喜恭喜
叾
個馬字好靚呀!! 新一年祝您馬上開心又健康~
版主回應
多謝讚賞...
我都祝你馬年順暢,事事如意~~
白雪
祝龍馬精神！年頭好到年尾！
版主回應
承你貴言~~也祝你事事稱心!!心想事成~~
BlM
祝森兄馬年更進一大步，開開心心過
版主回應
祝BIM兄心想事成,過一個充實而開心的馬年~~
呀博
森兄 KK 呀博
駿馬 游龍 豬頭發 , 祝大家馬到功成 .
版主回應
祝博兄:今年勝舊年,事事稱心又如意!!日日有食神...
繪畫樂園
隨意一支筆都運用得瀟灑流暢，森源文又得畫又得，真係文畫相全，望到隻馬就精神爽利，龍馬精神，祝福滿播，是但中番幾樣都年頭好到年尾啦，哈哈。
版主回應
實在見笑!!只是隨便畫畫,你面前都唔敢班門弄斧~~:p
祝你馬年行大運,事事稱心又如意,龍又精神又安康!!
samwei
祝新春大吉，萬事如意，身體健康，心想事成！
版主回應
祝新春愉快,工作順利,事事勝意~~馬年行大運!!
man-man
祝馬年身壯力健！工作順利！
一睇就知係隻駿馬，好醒神呀！
版主回應
祝身體健康~~馬年日日都開心!!謝謝讚賞,此馬畫的時間很趕,有點馬虎...
kammy
祝森伯馬年行大運, 身體健康, 如意吉祥~^^~
版主回應
祝kammy創作靈感澎湃,畫多些滿意的作品!!!
(悄悄話)
愚
祝森源龍馬精神，如意吉祥。隻馬好有神，厲害。
版主回應
謝謝讚賞~~
我都祝你馬年進步,事事如意,身體健康~~
stella
收到親筆賀年咭真難能可貴啊！
我也祝森伯馬年安康體健！馬龍精神！
版主回應
對呀!!友人很有心~~
我喜歡安康體健...好老人家的恭賀說話~~
祝你事事如意~~
ohtria
畫乜都咁靚. 新年快樂!
版主回應
恕我貪心啲...除左畫乜都咁靚,仲要食乜都咁好,著乜都咁型,買乜都咁豪...總之乜都咁正~~~哈哈哈
祝春節快樂~~
搞一爺
筆功卓越非凡形態活靈活現，不過，我留意倒你隻馬好興奮喎！除咗一條尾同四隻腳之外，唔知道第五肢係……哈哈！
恭賀新禧 如意安康。
版主回應
字畫睇落可以好抽象,畀欣賞者有唔同的想像空間...至於第五隻肢,你認為乜野就係乜野架嘞~~~~kakakakaaaa
祝:馬年進步;身體健康!!
ykk
馬字好靚，個馬頭像細看也像龍，真的一個龍馬精神！在此祝十家新年快樂，萬事如意，放一個森馬holiday!
版主回應
謝謝讚賞!!
好在你話細看馬頭像龍…如果話似豬頭都好…意味馬年發個豬頭嘛!!!kakakaaa…
在此也祝你們一家開開心心迎馬年, 呢幾日森blog順便放埋假…
森兄
熊仔騎木馬得架啦 , 比隻赤兔馬佢騎 , 嚇壞隻熊添..
唔知博兄初三有冇睇賀歲波呢??!! 2014-02-05 09:34:19