買件新衫…
相信新年買新衫對而家嘅人來講，都毫無必要！要買要著隨時都可以…
可能今個冬季提早了，早前已經感到陣陣寒意，所以都要去買返件厚衫過冬，不過世事往往就咁巧合，你平時唔睇唔買，就很多出現在眼前…但當你認真想買的時候，竟然冇乜選擇…本來諗住要買件隔綿風褸相信應該唔難！唔係要潮要新款，只是簡簡單單就可以…當你一路行一路搵唔到合適的時候，就會漸漸將要求降低，就算薯薯嘜嘜，只要整整齊齊都算！再係搵唔到買的時候，就一再降低要求，只要見得人就得！……
要買件羽絨褸，相信就很容易！間間店舖都有大把選擇，可能羽絨褸的利潤高卦？！但森伯伯要買的係隔綿褸，原來唔係好多店舖可以買到，又唔想在網上訂購，始終買衫都要親身試過才能買…
發覺外面所有尼龍纖維褸中，十居其九．九都係羽絨褸！而呢種服裝店最好的就是明碼實價，唔駛講價！可以任試兼且款式比較時尚…
到最後都要過對面商場先可以搵到件隔綿背心褸，當然好過吉手而回…..kakakaka
今個年頭都買了幾多置身用品，除左背心褸，幾條返工褲，仲有一件抓毛背心褸…查實都唔係為了農曆年，之前都已經買了，最主要唔係想扮靚仔，而係啲衫褲實在太殘太舊，費是畀人當路宿者……> <
件衫睇落都OK…唯有將就下～～
玫瑰
買衫呢家野好奇怪嫁，特登去買，又睇唔岩，反而路經，就見到好野，但因趕時間要做野，又買唔到!過兩日再去睇，又比人買左，冇貨!
版主回應
唔止買衫…買其他都係一樣!!!所以有時鍾意又認為O.K.就要快手買……下次又未必會再遇到～～
熊 仔
著埋件衫擺個 post影張相睇睇嘛 . .森 仔
版主回應
只係一個普通伯伯，著件新衫都冇咩特別！！哈哈
呀博
森兄
KK 兄話一件褸似劉華 , 洗個面又似木村托哉 哈哈.
版主回應
戴副太陽眼鏡又變左吳彥祖嘞！！......哈哈哈哈哈
KK兄識講笑啫！！
(悄悄話)
man-man
我今日行街都買左兩條褲，想睇件外套，但都唔合眼緣，激氣！
版主回應
係呀!! 買東西都好講眼緣架~~認為自己鍾意好重要, 反而價錢,耐著變為其次考慮…
herotang
幾型o丫,著左要改口叫帥哥,不是森伯囉~~
版主回應
乜隻色…唔係阿伯色咩??!!.....件褸係冇其他選擇, 所以迫住買……
繪畫樂園
好有同感，現在個個興買羽絨褸，所以人造棉風褸就少咗生產，要去啲保守舊舖頭就會搵到，深水埗機會多啲，我都鐘意人造科學棉褸，又洗得又便宜，抓毛裏都好暖架，你都幾識揀。
版主回應
係呀~~有些舊有物料的衣服, 相信去一些舊區比較容易搵到, 不過出開去又唔想四圍搵, 所以迫住買件衫過冬~~你講得啱呀!!人造科學棉幾好, 又可以洗都比較暖…抓毛唔錯, 不過好易黐塵, 比較少著出街…..
搞一爺
嗰啲舊衫留番著俾上司睇，等佢加多啲人工。
版主回應
你係上司就會嘅!!我諗著舊衫畀佢地睇...只會當時運高,乜都睇唔到呀~~~> <
(悄悄話)
新聞台Blog小天使
親愛的台長︰
恭喜您！此篇文章圖片極為優質，獲選為本日熱門圖片，將會出現在新聞台首頁熱門圖片區塊輪播。請您繼續保持每日撰寫文章的好習慣，期待您提供讀者更多精采的圖片，加油！
版主回應
很高興又再成為本日熱門圖片
這是港人生活，購物與商場總是港人假日的特色……
謝謝新聞台的欣賞！！
ohtria
好多時都係咁架. 唔買就時時見, 想買時就搵唔到
版主回應
我諗我唔買的時候見到是羽絨褸, 以為是隔綿褸咋……
kammy
好有型呀~森伯都好識揀呀~不過有時買野可遇不可求, 所以我一見到岩的, 都第一時間買定先XD
版主回應
都唔算咩型!! 個款好老老實實…只因求其買~~~
你的做法就岩, 好多時一唔買就走寶, 轉頭想買已經……
stella
黑白是絕佳的配搭，森伯擇得啱啵！
版主回應
老人家的色調…唔係黑就白，咁就唔會太誇張～～
BIM
買衫都係看緣份，款式同價錢都重要，件䄛望上去幾精神，應該真人示範。
版主回應
係呀!買衫好睇眼緣, 就算貴價衫, 都未必係自己的杯中茶…所以試過ＯＫ先買！
真人示範, 驚會扣晒件衫嘅分呀…XXD
ykk
唔錯! 唔錯! 相信著起似劉德華.
版主回應
一件咁嘅褸著起就似劉華.....有冇咁離奇呀…XXXXD
Gael
未見過咁型仔嘅露宿者喎XXXD
一路行一路搵唔到合適……===>森兄講喱個買衫的哲理好似係語帶相關,同搵對象的哲理異曲同工
版主回應
以Gael兄平時高床軟枕，有幾可見過露宿者丫…
Gael兄半夜醒來就影下月光，但露宿者半夜醒來只覺唔夠被冚咋…> <
雖然買衫同搵對象係兩件事，不過唯一相同的就是有冇遇到對的，合適的…
愚
比人當成路宿者~~哈哈哈...好誇張喎﹗你咁斯文一定唔會。其實買衫都好講運氣與眼緣。今年我都冇買新衫過年，行動不便。不過~~好想買一個背囊，自從腳有事就開始背背囊，又由於之前的背囊好耐冇用，條背帶的線頭開始斷...唉﹗
版主回應
都唔係誇張，太殘太舊都唔想著出街…愚老師可能平時睇我網誌有少少誤導，森伯平時魯粗一名架！哈哈哈
其實新年唔一定要買新衫，等到方便時隨時買都可以！背囊的確唔錯，可以裝很多東西，而且揹著背後唔會阻著前手，若果線頭不能修補，唯有換個新的～
買衫呢家野好奇怪嫁，特登去買，又睇唔岩，反而路經，就見到好野，但因趕時間要做野，又買唔到!過兩日再去睇，又比人買左，冇貨!