2014-01-20 16:42:15森源
懶散…
每逢有咩大時大節，少不免會充斥住Holiday Mood，人就工作，感覺總是懶懶散散！冇乜心情工作都唔出奇，當然森伯（幫自己補補飛！）唔會咁懶，同平時一樣！！話晒仲有個令禮拜就過農曆年，或者都係時候要辦年貨，森伯所要辦的年貨都只不過係芝麻綠豆年貨…實質都唔係咩大陣象瘋狂掃貨之類！
可能自己好少行到旺區，通常都係靜中帶靜的地方XXD…一啲過年氣氛都冇乜，頂多一兩副對聯之類！可能有些旺區就真正會感受到農曆年的氣氛，起碼呢個時候有班富貴的同胞們蜂擁來掃貨！人氣指數直情爆晒燈！！
好在返到屋企附近，已經開始佈置周圍，唔睇唔知今年原來是馬年，雖然身為華人，試問時下又有幾多個可以啱次序數晒十二生肖呢？或者只有蘇師傅、麥師傅先可以….. XD
其實每年的生肖都出很多相關的商品，馬年的商品好好做，而且中國人對馬的印象都好正面，應該都可以發筆新年財！趁馬年呢個綽頭，馬會可能會搞場馬年金多寶賽事都唔定～～就算有得中都冇用！森伯都唔賭馬嘅！！（扮下純真先！哈哈）
講起生肖排序，真係冇咩人可以講到，就算唔順序都未必講到十二個生肖名稱，尤其是啲新一代，佢哋講星座，唔知農曆年既係咩年咩月咩日咩時，長輩生日用舊曆計，舊曆同新曆相差成個月，正係呢樣野都有好大代溝啦，如果出題目考人，正係問今年係咩年咩日咩日就考起好多人喇。
版主回應
因為唔係個個都係蘇師傅, 麥師傅…普通人都唔需要記~~正如你講就算十二星座都唔記得, 我只記得自己個星座係邊個月份…不過農曆年聽下十二生肖的運程又多些過年氣氛~~係呀!!平時睇月曆都唔會睇舊曆, 突然有人問起, 真係唔識答!!! 2014-01-27 09:20:35
我識背生肖，因為以前有朋友同我一齊讀左好多次「鼠牛虎兔龍蛇馬羊猴雞狗豬」（一口氣唸）～ 好深刻～～～^^ 但係，我真係唔知宜家咩年lu@@
版主回應
嘩!!!咁你就叻呀~~試問有幾多個城市人會記得十二生肖…分分鐘呢一年係咩生肖都冇人知~~有時仲要記埋咩甲子年, 丙戌年……@@
2014-01-27 09:19:50
我就希望係馬年，人人都龍馬精神，事事如意喇！