2014-01-10 09:45:09森源
森繫香江（畫作欣賞）
又要長氣講多次，一年真係好快過！檯頭的月曆又要換一個新的了，其實唔知現今大家仲會否掛月曆，仲記得好耐以前（咸豐年代）家家都有個日曆，有鐵板嗰種呢？！通常大多數都係明星照，不過時移世易…日曆都慳番，月曆唔知仲需唔需要掛呢，不過有個座檯曆就夠晒！基本上年年都唔需要買，總會在適當時候就會自動出現…hehe
好鍾意呢個上年2013的座檯曆，主題為香港情，內裡的畫作全是描繪有關香港的景致，是否同一畫家的作品就不得而知，每一幅的風光人情，相信你同我都唔會感到陌生，而且份外有親切感……這就正正是你我所熟悉的地方！！
畫作以水彩畫為主，展示交通公具的變遷…
昔日的香港是漁港，當然唔少得漁船、帆船為題材～
以前香港的居民只住在這些村落或者舊式唐樓…
在十二個月的畫作中，相信呢張最具代表性！玩吓手，西片（荷里活電影）眼中的香港仍然是呢個模樣……XXD不知幾耐冇睇過帆船…
森伯伯係土生土長的港人，而家可能稱為港燦！！哈哈…..
不論港人又好，港燦都好！對香港總會有份情誼，雖然時有不滿，但始終都會心繫這個成長地，或者佢未必係你想住的地方，但卻是一個有歸屬感的地方！！
寫寫下呢篇Blog，感覺好似旅遊發展局的宣傳稿……
森兄
次次入黎嘟是那個板面 .
可能睇左熊仔一個錯唔訊息 ( 森仔懶了唔寫新卜 )以為森兄真的懶了哈哈.
版主回應
反而覺得博兄疏懶了…熊姨姨更加唔駛講啦!!!!!!你哋聚會見面時, 記得幫森伯問候一下熊仔喎 2014-01-15 09:39:11
你喱個座檯曆好有風味。我近年就愛在家中掛上大個福字曆，一來方便，一眼睇哂成個月，二來又有地方寫打算做嘅事，最重要係望住幾時有紅假，睇到都好心D
版主回應
呢個座檯曆收到時已經覺得啲畫好靚…係呀！！相信每年的福字月曆銷情都很好～～
屋企都有掛一個，勝在簡單易睇！ 2014-01-14 15:53:41
森兄
我冇懶呀..
晚晚係 fb 吹水幾個鐘 . 一定的隻熊教訓下.
你如果得閒就多ｄ…update個blog!! 2014-01-15 14:15:32