至醒早餐～～
今年第一篇Blog，點都要寫返啲既輕鬆又隨意的內容！！正所謂一年之計在於春，一日之計在於晨……所以晨早都要來個好醒神的早餐，打後一整日都可以精神爽利！據專家所講，早餐好重要，至於是否每個人都認同，那就真係見仁見智～～
早前有Blog友提返我以前畫過的兔仔杯，大家都可能已經唔記得！或者當時根本都未認識添啦！唔緊要，有興趣可click這裡睇返：http://mypaper.pchome.com.tw/sumyuen/post/1294518797
於是乎，專登在櫳底摷返出嚟！又想讚一讚間沖晒店，雖然呢隻杯放了在櫳底一段時日，但圖案依然清晰，起碼都唔似出土文物……XXD
食早餐有隻咁可愛的兔仔陪住，人都自然醒神晒！
隻兔仔見到有鍾意的黑糖馬拉糕做早餐，當然笑到見牙唔見眼！嘻嘻
有馬拉糕、仲有麥包，加多杯有營五穀特飲～簡直係至營仔的配搭！
生活再刻板都唔緊要，生活趣味是可以自己營造的，簡單的一個碗，一隻杯都可以為勞碌的生活帶來樂趣！
猜森謎時間～～
古語有云：一年之計在於春；一日之計在於晨；一生之計在於…….咩呢？！
答得中的朋友，就祝願您有個努力拼勁的2014！！
BIM
祝2014有個好開始！
我地對早餐睇法好接近！
對呀，生活趣味是自己營造的，簡簡單單一餐也是樂！
版主回應
我都祝您2014有個滿意的一年
好耐以前對早餐麻麻地, 可食可唔食, 但現在覺得早上時間食多少少都冇所謂！
生活的環境未必可以隨時改變, 但心境可以~~
愚
我記得我記得這隻大牙兔~~佢好開心笑。我也認同早餐好重要，為我來說一定食。哈哈。
版主回應
相信認識得耐的Blog友一定記得！！
基本上我都一定會吃早餐的，超趕時都會吃一點點～～
ykk
哈哈! 吃過馬拉糕, 馬年行好運!
豆丁
嘩，自己畫嘅兔仔杯好可愛呀！！！！個馬拉糕都好鬆好正！^^ Happy New year~
版主回應
謝謝豆丁的到訪與讚賞~~喜歡畫畫的總想有些屬於自己的紀念作，這個兔仔杯就正正是了...
呢個馬拉糕一底底買，口感非常鬆軟，重拾細時食的味道！
kammy
好健康呀,我都有朝朝食麥皮架~食完皮膚會滑d同可以keep fit~~ 我都同森伯一樣,都會係生活中找樂趣, 好少野就可以好快樂了XD
版主回應
好多人都會朝早嘆個麥皮做早餐，可是自己又唔係好適合麥皮…所以就冇食呢種健康食品～～
就係因為自己的負面情緒太多，所以先會找些生活趣味來調劑…唉！！
相信你唔駛啦！從你的文字中都看出你是個開心少艾！！
如心恕也
做甚麼都能夠自得其樂，那都是正能量的呀，再加上美美有營的早餐，新的一年一定會過得好好，Happy 2014!
版主回應
大家都希望新年有個好的開始～由其每朝都有正正的能量，加埋嘆個豐富的早餐，咁一日唔醒神都唔得！！
祝你2014快樂～
herotang
健康有營,最重要是有好心情!
版主回應
所以未互相配合囉...
有健康的食物，加上有愉快的心境就perfect晒！
Choilinwong
一生之計在於勤？
新年快樂！
版主回應
Bingo！...答對了～
勤力好緊要！願大家都有個多勤多得的2014~~
叾
馬拉糕係自己整?
stella
好幾盞鬼喎！
ohtria
兔仔杯可以整多幾隻去賣.
版主回應
少量印製成本好高,又未必會有人欣賞,
所以做一隻留為記念,孤芳自賞算吧~~
man-man
隻兔仔好得意呀，五穀健康飲品好正咁喎。
版主回應
多謝～隻兔仔咁得意所以做成杯，加埋個營養早餐就perfect...
搞一爺
營仔森 五穀健康飲品有邊五種正野呀？ 好似芝麻糊喎！
版主回應
你真係好眼！呢杯野包括香蕉，蜜糖，麥芽粉加原粒芝麻攪的～～
Gael
so cute rabbit^^
and healthy breakfast
祝2014有個好開始！
我地對早餐睇法好接近！
對呀，生活趣味是自己營造的，簡簡單單一餐也是樂！
好耐以前對早餐麻麻地, 可食可唔食, 但現在覺得早上時間食多少少都冇所謂！
生活的環境未必可以隨時改變, 但心境可以~~ 2014-01-09 09:32:18