2013聖誕點滴
唔問都唔知，原來今年都剩餘幾多年假未放…初時以為年頭請了很多無端端的病假，本身冇諗住有咁多年假可以放埋，不過到而家知又真係幾遲……當然有得放假梗係開心啦！至少唔駛騰騰震晨咁早起身嘛…
不經不覺又到年尾，到現在又要清假的時候…
一年好快過，生活裡就是充滿著點點滴滴的片段！
呢個聖誕自己都冇咩外出…不過消費用錢就多籮籮！之不過今年外邊的聖誕佈置好一般，可能要趕住下個月的農曆年檔期…
行過店舖又畀我見到呢個齒輪的聖誕樹擺設，幾應景！隔離仲有棵大的齒輪聖誕樹，不過呢棵係袖珍版，聖誕時候擺在家中都幾潮～
今個聖誕都想請森爸森媽（簡稱：雙親）食下飯！其實間中都會一同去飲茶，不過佳節來臨，又別有一番氣氛…大家見到呢度，梗係諗住會食下聖誕自助餐或者火雞餐之類…殊不知～竟然去食茶樓小菜XXXD！始終長輩都較鍾情傳統小菜，你地知喇，森伯都幾順得人架嘛…呢間在熊貓商場的裕滿Ｘ家，味道唔錯，份量冇搵笨，個個都食到飽飽！！
今年聖誕收到的小禮物都幾有趣，先是諗都冇諗過…竟然收到聖誕香薰蠟燭（仲白色！）…一睇呢啲禮物就知外國人送啦！因為佢地唔知中國人的禁忌，畀著古老錫山一定講句：大吉利是咩！！ＸＸＸＤ睇開森Blog都知，森伯好開通嘅～另一份朱古力禮包，我覺得似張禮品卡多點，不過都尚算有心思！！
是同事們的小禮物，蠟燭加朱古力都幾應節～～
森伯放假就差唔多森Blog都同步休息…可是屋企的上網問題仍未解決，儘快搞掂的話再去探訪大家…
在此！祝每位Blog友聖誕及新年快樂～～
玫瑰
預祝新年快樂!
BlM
Merry Christmas !
如心恕也
如果可以半價賣回假期給公司，你說可好嗎？
Merry X'mas & Happy New Year
版主回應
哈哈~~我又冇咁諗!!有得放就放假咋~~
祝你有個開心既2014
herotang
第一次見齒輪聖誕樹,好cute呀!
咁o岩我家又是去酒樓食小菜套餐~~
版主回應
呢棵小聖誕樹幾得意,細細棵唔會太阻地方
又可營造小小氣氛
當日我地唔係做節,未有咁早!!
man-man
祝你聖誕快樂！
中餐慶祝聖誕都係好好嘅選擇呀！
版主回應
祝你2014快樂~~
只是藉節日食餐飯而已!!
愚
Merry Christmas and Happy New Year ^^
叾
假期+天氣凍... 最好就係眠喇~ 係咪提早做節呀?
版主回應
放假的好處就是在這寒冷的天氣下訓晏少少...
那日不是做節（不會提到咁早）,只是食個普通飯~~
Gael
個聖誕樹時計真係幾正,不過成三百幾蚊都幾貴
老人家一定係唔太愛食火雞,食小菜啱胃口啲^^
版主回應
呢棵齒輪聖誕樹幾得意，以而家物價都唔算太貴....
佢地食慣小菜,改唔到~~哈哈
新聞台Blog小天使
親愛的台長︰
恭喜您！此篇文章圖片極為優質，獲選為本日熱門圖片，將會出現在新聞台首頁熱門圖片區塊輪播。請您繼續保持每日撰寫文章的好習慣，期待您提供讀者更多精采的圖片，加油！
版主回應
多謝新聞台Blog的欣賞，有好的相片我也會上傳過來～～
繪畫樂園
你就好啦有噤多假期，我啲假期已經貢獻晒俾家人，都冇咩悠閑假期可言。我都係鐘意食廣東小菜架，如果我啲仔女預先安排咗就一定係食意大利，泰國菜之類，唔滿意又唔好意思出聲，佢哋就冇你噤知啲老人家心意喇。
版主回應
我認為唔浪費一個假期,就是做自己認為值得的事情,假期用來與家人相聚,都是一種好好利用假期的方法...
因為廣東小菜他們熟悉,畢竟都是簡簡單單的一餐,最重要是食得滿足高興就夠了...森伯自己都係老人家,自然明白老人家的喜好...XXD
搞一爺
凍凍地放假可以打蛇餅晏啲起身都好舒服。
下次教鬼鬼送紙紮公仔話係中國傳統藝術。哈哈！
版主回應
凍凍地又承機可以訓晏少少
所謂不知者不罪,無謂詭鬼鬼啦~~又唔係在遊客區工作...XXD
ohtria
教育一吓老外有乜唔可以送嘛.
Stella
聖誕新年快樂！萬事如意！
版主回應
我都祝你新年快樂~~2014日日都咁開心!!
BIM
同父母吃飯當然就下佢地啦，食中菜有飯到肚最重要。熊貓酒店嗰間殷悅都OK架，可以考慮下晚飯嘅。
版主回應
佢地食慣小菜,所以簡簡單單就可以~~有米氣到肚好緊要,尤其而家咁凍天時...XD
有機會去殷悅試下,謝謝提供...
ykk
相信森得人心！收咁多同事禮物！
ykk做咗幾拾年， 都未收過同事禮物，真的要自我檢討一下．
版主回應
邊關事呢!!只是我跟你的位置不同而已...你地老闆級同事送畀你貴禮物又畀人話巴結你,送你普通禮物又會覺得你唔志在...所以寧願揀唔送囉
我呢啲就乜都會(笑)納,今年啤啤熊都收到一隻...你話啤啤熊畀個阿伯做乜....> <
ykk
真孝森，森爸母一定開心開胃！做得好...
ykk
真孝森, 森爸母一定開心開胃! 倏得好...
版主回應
只是小小心意,不算得什麼!!志在大家高興~~
ykk
清假有森唔怕遲, 真你好好利用假期!
版主回應
這個假期不是預料的,所以好好抖下都唔錯~~
不慌不忙又冇咁緊張~~
預祝新年快樂!