2013-12-13 09:26:32森源
際遇…
每次經過某某涼茶廠，都會見到一幅大大的廣告Banner，廣告當然是賣樽裝涼茶，而做代言就是某位歌手，諗下香港做歌手都唔易，有時候並不只是單單唱歌，仲可能要拍戲、拍廣告先至可以爭取爆光人氣，令觀眾仲記得有你的存在…做到當紅歌星就當然好啦，相反是個“半紅不黑”“唔上唔落”的歌手，前景都幾坎坷…
本身唱歌的，最後都要做與唱歌無關的工作，都大有人在～～我哋成日都話人最緊要有理想，但係有理想又會否一定可以當飯食呢？答案當然唔可以啦！而且我相信每個人都有際遇，就算有理想都要搵啱合適的際遇，先可以時來運到…所以有真正的懷才不遇都唔出奇！始終都係時也命也～～
或者講理想，都可以被列為人生的奢侈事！始終每日為口奔馳，營營役役～虛耗唔少精力，光陰！人大了，更加漸漸發覺可以用、可以闖的時間唔多！更加唔可能放太多時間在未知的夢想上，在不知不覺間錯過很多…
當然喇！我都認為人總要有夢，點樣做係可以靠自己的，至於能否成功就要看未知的將來！所謂的：謀事在人；成事在天嘛！
森兄個夢想又係咩呢^^
版主回應
到森伯呢個年紀,唔應該仲講咩夢想,係要去實踐夢想的時候......
2013-12-17 09:01:29
我也有相似感覺，可能是樽頸位吧！最近上網聽返之前鄭俊弘訪問，都有D得著，曾經有段時間我都覺得我好鍾意自己嘅工作，覺得搵啱方向，但有時又無哂團火，或者都係嗰句，控制唔到現實，就要改變自己心態，明明日可以係個新開始。
版主回應
有些人講下自己的經歷，都可能令自己有共鳴…從中都會有得著！但總要明白，出來做事，不可能一帆風順，更豈能事事如意，當中一定有令人洩氣的時候～～所以能夠堅持都好重要…睇你對自己仍有目標抱負，希望大家都繼續為自己的目標而加把勁啦！
2013-12-16 14:54:02
當藝人有那個不經過荊棘路，看最近無線頒獎禮上，得獎藝人吐感受，都少不了經歷浮沉起落的階段，他們到有所成的一天都是有朋友及家人的支持，才熬過去，成功是用時間換取回來的，自己的鬥志也是最重要。