2013-12-10 10:00:02森源
就到聖誕～～
未到聖誕已經見到很多商場都有聖誕佈置，早前聽到報導講話睇聖誕燈飾對於大眾來講，已經冇太大的吸引，的確係架！！細個都會話去睇燈飾，印象中是尖沙咀海旁一帶的商業大廈、大百貨公司，都會趁呢個聖誕檔期，佈置一下搞旺個氣氛，為求吸引多點人流消費！……唔知時至今個聖誕仲有冇人話去睇燈飾咁呢？！如果森伯話：今年想去睇燈飾呀？！唔知大家又會唔會話：咁老土架！！……哈哈
外邊睇燈飾佈置的確有氣氛，但始終冷涼的天氣下都好食風…不如去暖暖的商場內睇一樣，又可以順便食東西，買東西，影下相（你知而家既人有幾咁鍾意攝影架啦！）簡直一樂也！！的確商場現年都好落本，搞好商場佈置，當堂有晒氣氛～～
都係嗰句啦！節日背後的意義，幾時都應著重過消費娛樂～簡單的一句問候，祝福語～就應是聖誕的意義～～關心身邊的人，或問候一下遠方的友好們！！
今年很早就收到友好寄來的祝福，也要在此講聲謝謝！！^ ^
年年聖誕的裝飾都離不開聖誕樹和雪人等等，今年皇后像廣場就有突破，旅發局請了位設計師，設計了三座約5層高的巨型蒲公英燈飾裝置。蒲公英由36000顆LED燈組成，寓意將聖誕祝福散播開去，除了打破傳統也含有傳愛的意義，另外九龍灣德福商場也有破例的裝飾，是一座冰山，四周有動作的大小企鵝襯托，並置有冰湖裏的動物游動的螢幕，這兩個設計可算鮮見。
版主回應
所以現在做商場設計，都要動下腦筋，不能夠年年都是差唔多～～點都要諗些新主意加在設計佈置裡…務求在眾多佈置中突圍！！聽你所講的那處都算幾大型的佈置，相信夜晚開了燈會更靚！！有冰湖裡的動物在游動的螢幕……咁咪有＂清明上河圖＂feel~~~ 2013-12-13 09:19:38
(悄悄話)
2013-12-12 21:50:14
都係架，我又好欣賞啲設計，但嗰啲裝飾會非常不環保，兩個幾星期後又成為垃圾，如果設計啲又環保又有野睇既設計就是最成功的設計喇。