2013-11-21 14:45:10森源
傻男廚房－健康手卷卷…
平時自己就好少食壽司之類的食物，若果可以選擇的話都唔會揀呢類菜色！但若果要自己整來食，就一定要好簡單…其實當你研究健康飲食的課題，你就會發覺最簡約的飲食就是最健康的！免去烹調中的調味料，過多的油脂，營養走失等等…
相信大家都知，講開煮食對森伯來講最好越簡單越好，太過繁複盞搞到一鑊粥～～既然講到咁簡單，就一於試下整呢個──紫菜手卷，充滿日式和風味！
首先就煲來一碗紅米飯（若然齋食白米飯好易令血糖突然升高，加些少五穀類就會比較好！許可的話我都會加少少）一兜靚靚的紅米飯新鮮煮好！！今云真係飯有飯味…
跟住用即食紫菜卷好，最好製作環境乾爽，否則好易卷到邋邋遢遢，見到都冇咩胃口…哈哈哈！整好後，個賣相都唔錯！！平時感覺呢類即食紫菜都幾鹹，能夠包些飯同食，中和鹹味又啱啱好～～
以前唔知日本紫菜跟韓國紫菜有咩分別，原來日本紫菜是小食，韓國紫菜是佐飯食的，所以見到佢既包裝封面都係包飯食～所以今次就試下整呢款手卷！！
睇開森Blog都知，森伯平時好少買無謂零食，尤其即食紫菜，而呢包就係人家的手信，不過試過包飯食令我改觀，日後或會買來食，紫菜本身都好有益……
家陣仲有一包大紫菜，相信嚟梗都有排卷！！
p.s.與其話“營男廚房”不如話“傻男廚房”因為森伯整的嘢食，好簡單冇咩技巧冇咩難度…甚至連傻傻懵懵的都整到，應該會貼切啲啲……哇咔咔咔XD
簡簡單單,有時都已經好健康喇
版主回應
用紫菜包飯食都唔錯,有機會不妨試下...
2013-11-28 09:45:32
咦！又幾方便喎！