2013-11-18 14:48:03森源
齋talk環保－Q爆回收箱
相信大家最近聽得最多的環保事，都莫過於垃圾徵費…不過現在又唔知是否咨詢階段？！都未敢落實，因為垃圾徵費唔容易，最大的問題就是點收費用／大概收多少先至合理？！而收的費用又會是大眾負擔得起呢？！…的確傷腦筋～～不過這些都是政府諗諗的決策事！唔關我呢類小市民事，而大眾可以做到的，就係減少不必要的廢物…
聽聞話有啲國家做得好好，某些家庭會自行垃圾分類，香港現在都好似有些屋邨，家庭都開始實行，分類收集得來的廚餘仲可以換禮券，詳情就唔清楚…不過都係鼓勵班街坊推行垃圾分類！自己就冇分類垃圾，見人家的廚房都要放幾個垃圾桶，對寸金尺土的香港家居來講，都唔易做到～～
不過街外就見到很多分類的廢物回收箱，通常都係分三種：紙類，金屬，塑膠！自己好少投垃圾到這些回收箱，不過電子廢物就會分類處理……
相信大家都間中見到這些Q爆回收箱，初時以為是小朋友教材，當睇清楚就知是個真正的回收箱，都係以熊貓做圖案，自然教育基金會都有個熊貓logo，幾時熊貓做了環保代言人…咁就証明熊貓同環境保育一樣咁重要！！
有時發覺人性就是以自身利益為先，一講到起個堆填區在屋企附近，大家都耍手兼擰頭，怨聲載道…但自己仍每日製造很多廢物，有時見到超市，連鎖藥店的貨品，樣樣都有包裝，要做到冇乜垃圾真係好難…所以我都認為垃圾徵費是事在必行的對策！！
我有個憂慮就是政府實施垃圾徵費後，隨街都係垃圾，我覺得教育是很重要，最主要教育一些有錢人，希望一些環保機構努力推動那些有錢人，珍惜物品愛護地球，我看過一個電視節目，(窮富翁大作戰)這個節目我覺得很有意義，比一些刁鑽的飲食節目好得多，起碼體會到懂得珍惜。
版主回應
通常一講到要收費,大家都想些法子出來走法律隙,正如你所講隨街都會係垃圾也不為奇...不過講到尾,市民的公德心也要培育,明白到徵費背後有咩意思,大前題都係想減少原頭廢物~~窮富翁大作戰,都睇過,感覺帶出的訊息又唔會有太大的迴響...總之環保的議題,都係要盡下自己的負任,公民的負任... 2013-11-27 10:12:26
要減輕垃圾處理煩惱，首先每個市民自動處理好垃圾分類，垃圾自然減少，我個人的衣着用品，用殘爛了，修修補補，又可再用，垃圾分類後要掉的很少，購物時少買重覆包裝的物品，買餸菜自己帶袋及食物盒，垃圾一定減少，我常受到很多人揶揄我的環保習慣，清楚自己的做法是正確，就堅持下去，其實每個人想深一層，垃圾是由人製造出來的，就應由人去自行去減少產生垃圾，每個人能把守這個原則，就是對社會好也等於對自己好。
版主回應
你的環保意識很強~~有很多人其實都知道怎樣可以更環保,但要講到要實行,就未必個個人都願意做得到!!買東西時唔要包裝,唔要膠袋...能這樣做到已經減了不少即棄廢物...若然再懂得將垃圾分類,就可以將適當的廢棄物循環再做/用~或者部份港人仍對環保不看重,所以將來垃圾要徵費,或會對環境有幫助~~
2013-11-26 09:28:55
屋企附近呢類回收箱,又真係唔多覺有