2013-10-29 12:33:33森源
Halloween，攞糖糖…
早幾年都有人講萬聖節的夜晚，會去蘭桂芳扮鬼扮馬…唔知近呢一兩年仲有冇人會應下節…始終外國人慶祝鬼節跟傳統華人唔同！文化、風氣唔同就會有好大分別～華人的鬼節，通常會連夜街都少出，但外國人慶祝萬聖節就會越夜越啱，兼且會大玩特玩，至緊要盡興～～
其實無論咩節日，對香港來講都是一個商機，萬聖節有萬聖節套餐，而所做的食物賣相，我覺得核突多過恐怖，見到當中的食物又紅又綠，反而那些添加物係全餐最恐怖的地方～～哈哈
當然細路仔的玩具都一樣機不可失，買件僵C衫仔加些少玩具配件，咁就要父母幾百蚊（唔知會唔會講少左，我未買過…哈哈）
不過現今的人，一講到節日就會即時諗有冇假放？去邊度玩？去邊度食？有咩應節食品賣？有咩活動可以盡興？…
已經唔會去諗諗節日的由來，節日背後有何意義！！
外國人的思想點都跟華人有分別，聽長輩講鬼節夜晚，細路仔唔會去夜街，但外國細路反而可以周圍去問人攞糖…今個萬聖節，森伯呢個老人家都有糖糖食，之不過唔係問人攞…係自己買！！都算係一種應節食品既～～
粒糖唔恐怖，反而個南瓜頭都幾Ｑ吓…
我都想試下粒糖^^
版主回應
勸你咪試...粒糖添加物多到爆!!> <
2013-11-04 09:33:46
森源的論話，很有同感，每在節日時傳媒都出動訪問路過的人，但大多數的人只知吃喝玩樂，節日的來由和義意，之吾以對，九唔答八，如果通識科要寫節日的義意，真不敢想像會寫些甚麼！如今有幾人會依據節日的原意，作些貼節的活動和作出記念呢！
版主回應
這是香港人的現實情況,所以有些節日氣氛都一年比一年少...除了通識科要教,家長們都可以講下~~畀新一代明白節日真正有咩意義...不過自己對節日都冇咩特別大的感受...
2013-11-01 12:21:11
記得有年萬聖節,我撘電車,有個人扮成吸血彊屍坐我隔離......