2011-11-17 16:44:53森源
苦口良麵…
相信大家食開的蕎麥，原來都有分兩種，一種普通的就叫甜蕎麥，另一種就是苦蕎麥，據資料所講甜蕎麥做為食糧，而苦蕎麥做為藥用…既然咁神奇，去開有機店順便買多包苦蕎麥麵試試！
話明苦蕎麵，就一定是苦的，唔單止麵苦，連湯水都是苦苦地，可能自己唔食慣，就會覺得難入口，若然有人接受到這種苦澀味，就會對身體好好，營養特別多之餘，又會降低血糖，就算糖尿病患者都食得，所以資料講它有藥用價值都冇錯～～
今次森伯煮呢個苦蕎麵，就只加了薯仔及菜，所以味道較清淡！！若然配個鹵水肉就會易入口得多！！雖然蕎麥是粗糧，但所做出的麵又會好滑身，唔覺粗“鞋”！但唔知是否梘水多！！煮出來的麵滑潺潺，仿似浸著膠水來食～～～