平時好少會揀人多車多的地方行，尤其是萬人空巷的場面！！都唔敢歸咎香港地太多人的原因，只怪自己有些少廣場恐懼症的基因而已…

其實一到假期，香港無論邊一度都大把人……今趟就出了旺角，因之前已經約定，於是乎去了位於砵蘭街的朗豪坊一趟！！

雖則話朗豪坊是大型商場，但今趟只是行了幾層，裡面的商舖都無咩特別吸引之處…本來都想繼續行上層，不過又要趕時間～～

但當中經過一間舖頭的櫥窗，見到裡面有部電單車的模型，本來都無咩特別，之不過呢間舖是賣Body Care用品！！真是格格不入…

今篇個Blog名都一早諗埋，既然有關砵蘭街，一於叫做砵蘭街森伯啦！！唔知有冇港產電影：砵蘭街古惑老伯feel咁呢？！！

因為砵蘭街有紅燈區之稱，舊時是龍蛇混集兼品流複雜之地～～家陣就唔知呢個“朵”仲存唔存在，但有一點可以肯定…呢度係內地客的入貨之地囉！！