自從日本幅射問題開始，很多人都對日本出品的食物都有點怕怕，查實日本的包裝食品對港人來講，佔的市場應該唔算多，相信都唔會有好大的影響，反而影響得最大就是賣日本壽司魚生之類的食肆…至於森伯的家中，連最common的出前一A都冇一包…不過摷云整個雪櫃，就發現有樽產自東瀛的芝麻醬，是洩漏幅射前人送來的！！少少題外話，日本的食品質素的確唔錯，我試過買港產芝麻醬，質素明顯有分別～港產的有層油浮在面，撩幾撩就發霉，開蓋無耐就掉了！！而呢樽就唔同，醬料好硬身，而且整潔易塗～～

聽講呢次的幅射危機仲有排搞，影響到的地方越來越擴大，當中出產的食物一定受到牽連，睇怕大眾都有排對日本食品卻步…

最後醒少少健康資料給大家：

芝麻可以潤燥滑腸，補益肝腎，而且可以烏黑頭髮，補血強身，最重要就可以抗衰老…而黑芝麻亦是十大養生食物之一，大家不妨多食！！