2011-01-12 15:05:07森源
唔該！！來杯熱飲丫！！……
其實一月打後的日子，都會好凍好凍！！當然厚褸頸巾唔少得喇～～在呢個嚴寒的氣溫下，想由外暖到內，除了打邊爐…煲仔飯…食個羊肉煲之外，有杯熱飲都唔錯！！
聽人講，來個紅糖薑茶，就會成身暖晒！！可能自己燥底，飲呢個茶就會燥上加燥，唔受得…通常都會沖杯熱的阿華田，食個包，已經可以好暖～～唔知大家有冇一些心水的驅寒飲品咁呢？！外國人都會飲酒驅寒…話時話，有時都幾服老外，驅寒又靠酒，清熱氣又靠酒…真係暖又係佢，涼又係佢～～
有晚為了歇下腳兼且要趕時間，就走入老麥叫了──只此一杯的熱朱古力，雖然好多泡，但快餐質素係咁上下，唔好太高要求，好過齋坐冇幫襯吖……不過凍凍地飲杯熱飲都唔錯架！！