2010-06-10 15:05:31森源
森伯要去糴米！！
昨日睇新聞，話泰國的旱災近廿年來最嚴重，所以導致大米失收（有關報導）…至於輸來香港的米就無咩大影響，影響最大就係發展中國家的人，真係雪上加霜…諗番下港人真係生在福中～～大陸旱災，港人仍然有水用！泰國旱災，港人仍然有米煮…
講開米，對於我地來講，都係唔可以缺少，始終中國人都要有啖米氣落肚，至少午餐晚餐一定要食飯，而我最近都食多了糙米，通常都係混白米去煮，因為有益又飽肚，唔滯之餘又有飯味…
呢種就係有機短糙米，比白米有益的地方，就係佢仍然保留穀皮…
有人話，白米是死的，糙米是活的…我就簡單放些試試，的確糙米可以催芽！！相信唔係好多人見過稻米苗，我都係第一次見咋！可惜生長環境有限，最後都枯了…
睇開森Blog既人都知，森伯好少出街食味精野，所以都會自製有味飯，呢碗就係加了小米的粗糧飯！！