唔知大家喜唔喜歡自己份工，欣唔欣賞自己所做的工作，雖然我唔係一個全職的插圖員，但我都很高興能夠參與其中，就算只是畫得少少，我也希望付出最好的去畫！插圖或者對有些人來講，只認為可有可無，但在我的角度睇，插畫好重要，可以令到沉悶的文字裡加點色彩！！

我時時都有個念頭，希望有日可為醫院裡頭畫些圖畫，畫些類似森Blog咁！有少許人生哲學性的，可以令到住院的病人，睇到都可以開懷放鬆一下，因為病痛的心情，我都感受過唔少～～

昨日好開心收到一份記念特刊，當中有我所寫的畫圖感想！！開心既就係文筆冇畀編輯大執過，兼且證明自己的插圖都有些少貢獻～～不過唔滿意亦有，第一！版面設計果位仁兄…我用電腦畫架～放些蠟筆做背景做乜？？！！

第二！編輯部放相又唔通知聲，擺張幾年前的相上去，好似証件相咁，好唔得！！你地要既，大把靚仔過呢張都有！！…….

當然係講笑！！有得起本特刊寫下感想，已是榮幸之至！！（怕有關人士睇到！！）

特刊之內容不能上載或拍照，請各位Blog友見諒～～