2010-04-16 12:26:03森源
森伯的愛“醬”！！
家陣潮流興食健康食品，唔理乜野食品加了健康、無添加的字眼，都總會好賣…其實我對所謂的健康食品都有所保留，尤其藥丸成藥等…我就一定唔會買！！反而一些食品知道用咩材料做既，就無妨一試！今次就在有機店買到呢樽黃豆醬，外表就好似花生醬，但佢絕無花生成份，而且最重要佢話係零添加劑，零反式脂肪，而且主要材料是黃豆，相對於花生就較為好！！
用來搽麵包就一流，雖然冇花生醬咁香，只是豆味，但質感口感都好似！！不過價錢就比起一般花生醬貴少少…
對於包痴的森伯來講，多樣醬搽下麵包都好，起碼唔駛咁單調！！就算冇飯開要捱麵包的時候，都捱得滋味少少～～
（以上只是個人分享，並沒有廣告成份）