基本上立春過後，春天就正式來臨，所以這幾天都好潮濕！有人住在海邊的單位，都話隔兩個小時就要倒一次抽濕機的水…幸好森源不是住在海邊！！

在過年期間，有報導話今個農曆年，市道都不差，食肆酒家早早就已經訂滿了位，街市賣雞賣魚都要幾百元先買到隻，仲有國內的“大豪客”一擲千金在這個檔期“掃貨”…唯一最差的就是今年的年宵檔，有好多檔主都話要蝕錢離場，皆因可能與天氣有關吧…

講起年宵攤檔，記得多年前，有家人都曾經做過，當時她們幾個同學夾錢開一檔，都是買些過年飾物等，到最終也要蝕少少～其實要在這類年宵攤檔賺錢，除了天時地利人和之外，都要諗諗計捉到顧客想要什麼！！

我都曾經試諗過，如果要搞個年宵攤檔，會想做乜呢？！賣魚旦…自己又唔識整！賣年花…自己又唔夠Pro！…就不如攞張摺櫈坐起度幫人寫下揮春咁啦～～（都係練下字先，練到出年岩岩好！！）