2009-11-18 14:29:09森源
白等…
昨夜據聞有場百年難得一遇（次次都係咁講架啦～～）既獅子座流星雨可以觀賞到，雖然有很多人都係冒住嚴寒既氣溫下等了又等，結果佢地等了成晚一粒星都睇唔到……
都係今早聽新聞我先知！
其實佢地都幾無奈，一心諗住睇流星雨，擺晒天文望遠鏡，長鏡頭呀等等…而且昨晚真係好凍下，得十度左右！捱眼訓兼捱凍，結果只係白等一場…
唔好話睇星會係咁！其實人生真係有好多時候，明明做了很多功夫，亦辛苦過亦捱過，但
到最後都可能係徒勞無功～或者付出唔等於一定成功，因為世事往往要配合天時、地利、人和！
就算一切係白費，也要無奈咁接受！！
至於昨晚咁凍，森伯已經一早大被冚過頭，在被竇內大昏迷了～～