住

最近城中熱話，都係離唔開個樓市，只要係所謂既豪宅，就炒到有咁高就咁高，樓頂連兩層複式既單位，就可以賣到個“天價”／“癲價”，而我最想發表既係，除了樓價炒到咁離譜外，而發展商更將一幢樓既4..14..24..53..58…樓層刪除，都知呢種做法都早有前科！！買得豪宅既人多數係大商家，做生意既樣樣講意頭，住既地址唔想有唔lucky既號碼，遲些可能會把3..8..18..28..加多幾層分18樓a,b,c層…（畀老外見到港人咁迷信，真係笑死人～～）另外有些新起既超級豪宅，一幢裡面更分開兩個出入口，專讓身份顯赫業主出入，意把住客分等級！！

其實住一個地方，本意都係想住得安居樂業啫！買豪宅，心態往往都是出於炫耀自己身份、身家或者投資獲利等…有呢種心態都無可厚非，因為社會上絕大多數既人都係咁！！！

家

昨日就是重陽節，中國人一年都有兩個節日對先人既懷念，仲有清明！或者中國人在傳統上重視家庭倫理！最近都有很多家庭慘劇發生，其實就時不時都有，有些案件都頗為駭人～～覺得一家人都要去到咁既地步？！唔係你死就係我亡？！始終人與人既相處，好難無磨擦，無爭吵！！或者同屋企人相處都係一種學問，一種修練…古人曾經有講：百世修來同船渡；千世修來共枕眠…能夠彼此走在一起，已經份外難得了！！

即使屋企人不能成為今生的恩，也絕不要成為今生的冤！！