插畫展（上）
知道有德國既插畫作品會在中央圖書館展覽，我當然想去看看！因為場內展示既插圖都係頂尖級人馬的佳作，梗係要觀摩下學習下咁啦！！兼且專程來到中央圖書館，或者都會借番幾本書返去睇睇～～
中央圖書館係香港最大最先進既圖書館，鍾意睇書既都可以逐層揀，逐層睇！！
森之所見：
‧在四樓既逾期報刊儲存庫裡，竟然（無意中）發現自己既插畫，發現過程都幾不可思議……講都無人信，所以唔詳述啦～～
‧除了有人在圖書館霸個靚位訓覺外，仲見到個大叔公然睇馬報戴耳機聽馬，在圖書（輸）館內刨馬經，呢位大叔真係百無禁忌，咁佢買既馬仔真係要生生勝勝先得嘞……