在呢個季節，本應就特別多生果食，但時至今日既香港，真是一年四季乜乜生果都食得到，冬至天都可以食到西瓜，你話誇唔誇～～

所以而家既生果都無話分季節性喇，不過呢個時候又真係好多榴槤賣，其實本身森伯對榴槤呢家野都情有獨情鍾，我知道喜歡食既人就會瘋狂既喜歡，唔喜歡既聞到都唔係咁得！！真係好極端～～

以前食榴槤就比較食得多，好鍾意將榴槤肉放起雪櫃度凍下，再拎出來食，真係好正架！！好似食榴槤雪糕咁...不過其實生果都有分屬熱性屬涼性，咁當然榴槤梗係屬熱性，食完之後都周身骨痛（唉～森伯既老人病！），所以而家都少食...至於其他生果都一般咁啦！
但有一種森伯認為唔錯既，就係港人稱：天桃，而台灣人稱：蓮霧既生果，味道清清爽爽，食完後好似食左一紮草咁，好清新！！以前呢種生果初初賣時，全部都係青綠色，不過就幾酸下，不久之後就有紅色，應該比較甜而多人買，所以反而綠色就少見了，呢種水果作為飯後果唔錯～～

唔講咁多啦，食番個先！！