2009-07-08 17:23:22森源
吸煙一二事…
每次放工都會經過某公司大樓下，都會發覺佢地既員工三五成群起度食煙傾偈，人數都幾多…其實都明白，食下煙傾下偈對佢地來講，都算一種鬆弛，至於“煲煙”時既樣，都懶得理了～～其實成年人食下煙都無可厚非，除非迫其他人吸二手煙～
而最近有次起街度見到幾名學生（十一、二歲），公然將包煙傳來傳去…對佢地來講都好似好平常咁…事實上對於依家既靚仔來講，當眾索Ｋ都唔算咩，更何況食煙？！！
想當年….森伯都興幸自己生長在“無煙家庭”裡，一來少吸二手煙，二來無咁易感染食煙習慣！始終食煙都好影響健康，唔係各地政府都要大力推行禁煙，因為吸煙引起既疾病，佔政府醫療開支都唔少，所以有實行既必要～～
由7月1日起在娛樂場所內都要禁煙，而一般工作既地方早就貼有標籤提示～