快...

據新聞講.，原來上年度港人欠稅達72億，嘩！真係一個好大既數目呀！而稅務局估計金融海嘯既影響下，對來年既欠稅情況都不樂觀咁話……總之希望每個納稅人，若能有收入既話，都盡下公民責任啦！！

感覺上好似收過稅單無耐…依家又收到嘞～～一年又真係話咁快！！

靚...

呢幾日天氣都好好，但發覺人既臉口就麻麻，香港人一向都係咁，尤其朝早見到等車既人，行緊路既人，個樣都好似好趕咁，而且又木口木面，有些可能真係訓唔醒啦…有些個樣都幾酷下…其實大家都係欠缺一點笑容，只要有一點微笑，畀人的感覺上都親切點，其實我以前都畀同事話我個樣“酷”！後來在生日咭裡寫：“你笑多點，個樣會帥點”……就係咁樣，我都時時提醒自己，起碼面對熟悉既人會加點笑容！

不過係架！所謂「一笑遮三醜」，有點微笑起面，自然畀人感覺就會帥，就會靚！！

正...

起早前，澳洲旅遊局有份所謂既「絕世好工」招募一位Blog主，他既要介紹一下大堡礁的風景，影下相，需要定期更新呢個Blog，重有極好既薪水，呢份工一定多人爭啦！…結果由英國既男子得到呢份職位！

或者要從另一個層面去睇，一份真正既好工，就係唔係等同有得玩，人工又高咁表面，咁膚淺呢？！（真係值得思考下…）