我決定唔再勉強自己，
唔夾就係唔夾，又何苦再辛苦自己呢？

尋晚自己一個人通宵做左十一個鐘，
成晚冇訓到，你地係邊呢？一早訓晒啦～
仲要賴我自己一個人返左香港，之後仲屈我，
講過話會自己一個人做晒。

你尋日話我地係組員，如果咩事都一個人決定的話，
咁一組都冇意義，你要明白你既組員唔係只得我一個人，
唔係咩都要等我返黎先可以動手，
何況我都唔覺我地係一組，
尋日我一個人通宵做晒份野，
你地去左邊？你地有用心睇過點做咩？
咩都要我決定，點計點做，做咩公司…
咁即係我同你地一組都冇意義啦～

你地話唔識就咩都推晒比我，唔好忘記我本身都唔識嫁咋，
係我慢慢上網搵ｄ野嫁咋，你部電腦壞左問我點算，
我點知點算呀？我又唔係你部電腦，之後你竟然話：
就係唔知～我地先問妳......唔係問妳托呀
你呢ｄ咩態度？我係度好辛苦嘔份野出黎果時，
你幫唔到手都算喇，仲要咁講野？
有邊一次ｄ報告唔係我做得最多嫁？

要你地幫下手搵下野，攪到好似我求緊你地做野咁，
一句唔識就大晒，到最後一ｄ有貢獻既野都比唔到我。

我幫緊你地拎分，你地唔該一句都冇，
仲要咁同我講野？你地有冇少少知衰嫁？
尋日一個一早失左蹤，一個話電腦上唔到網，
一個自己ｏｆｆｌｉｎｅ，到最後得番我一個仲努力咁做，
就算係做朋友，都唔係咁嫁，咩都唔理，奉旨我會做咁，
之後就安安落落咁去訓，問都唔問。

今朝我一做完就趕住返學ｐｒｉｎｔ出黎，仲要諗出到點講～
你態度仲好似話緊係我錯咁，到左ｐｒｅｓｅｎｔ之前既５個字，
先問我份野點！？係緊既，就唔會咁，三催四請都唔做，
到左上堂我出去ｐｒｅｓｅｎｔ，你地就企晒出去拎分，
仲要果樣好嬲咁，咩意思呀？我都未發惡，你地就先發惡？
份報告我有打你地果名，只係睇在一場同學，
何況都唔係第一次啦，你地仲想我點呀？仲要比面色我睇？

我今次我真係過唔到自己，冇辦法再忍你地，
咁多次我都冇開口話過你地，算啦～
橫掂一早我已經知道我地唔會做到好朋友，
大家性格、思想都好九唔搭八，溝通唔到咁～