尋晚同克妹,阿Za傾電話傾到成四點幾,之後又不斷回應好多有心人(Asia,阿妹,阿雞...)寫比我o既留言,跟住又唔知發咩癲,勁睇人o的日記,仲個個都留o左言,所以搞到成七點幾先關電腦,之後就睇番之前未睇o既漫畫(海盜王19-21期+騎呢外星人---田中太郎),睇到成九點鐘先訓覺~~超勁眼訓~q~

點知兩點幾,Erica同克妹打嚟叫我幫佢o地做o的o野,跟住就發生o左一o的不愉快事件,搞到我冇再繼續訓,之後就去o左搞o左一o的o野,不過最終都係徒勞無工~~失落><"

跟住我就on9,同Asia(亞鄒)傾o左一陣計,佢比到好大o既鼓勵我,令我原本好失落o既心情好番o的~~多謝佢^^

之後就無聊咁睇娛樂新聞台(因為有我最喜愛o既吳君如...哈哈^^"),跟住就睇電影一台,亞視兒童台...好似o係度等死咁,就o係呢個時候,鵬小朋友打嚟,跟住我就同佢傾...傾呀傾...我o地傾到七點先收線,之後就勁胃痛,o個時先發現原來自己成日都未食過o野,但係由於心情實在太爛加上又搵唔到人陪,所以我最終都冇落街食o野~~勁想死>_<"

之後成七點半,我真係捱唔住,結果就入咗廚房煮o野食,點知入到廚房先發現個雪櫃係空空如也,淨係得番尋日用淨o既蕃茄,所以就煮o左個米粉,同埋蕃茄煮蛋加雞翼~~味道還可以啦~_~

跟住就睇漫畫,睇睇吓就訓着o左....

到o左十點四,Johnny打嚟約我十一點一去綠茵食o野(之前約好o左),但係我實在太攰喇,所以又唔小心訓着o左,好彩十點九起番身,跟住就好趕咁換衫,出門口~~又遲到喇><"

同Johnny食完飯之後就返o左屋企(肚痛=.="),跟住就落o左街搵羅仔,同佢去o左買宵夜食,之後就坐物一邊傾計,今日我o地中談人生哲理,獲益良多,佢仲介紹o左我睇<<窮爸爸 富爸爸>>,我o地傾o左好耐好耐,後尾我仲好感性咁講o左好多我從來唔會同人講o既o野~~有o的激動添^^"

兩點幾,我送o左佢番屋企之後就自己返屋企....


★★★戀愛所包括的為何不可以只是愛,為何偏偏要加插那麼多的理所當然?令一段純潔的愛情變得充滿雜質,令一個天真的孩童夢幻滅?是我自己把愛情想得太過完美化,還是這才是理所當然的現實?★★★