今日成四點幾先起身,跟住就努力打番之前嘅日記(因為之前大病咗一場,所以冇寫到日記)~~對唔住~_~"

五點幾,由於實在太眼瞓,所以就番咗房瞓覺~~z...z...zZ

八點幾起身,食飯,睇電視,上網....

十點幾就同伊洛傾電話,直到十二點,聞哥打嚟叫我落Enjoy Pub,所以我就即刻換衫~~好趕..o..0

喺Enjoy,我o地總共叫咗一打啤酒,之後就玩大話骰,吹水,唱K(嗰度啲人真係超freindly,勁好玩),之後仲咁啱查牌,好在有驚無險~~嚇死=.="

四點幾,威威同Eric都好眼瞓,所以我o地就離開Enjoy.返屋企...

喺小巴度,威威成程都瞓覺,仲一個人坐兩個位添,不過見到佢個睡相,真係好得意~~佢宜家一定好"快樂"


★★★突然間,我覺得自己好似大個咗啲,我開始接觸到一啲被認為係只屬於成年人嘅o野,感覺好特別,好新奇,不過其實呢樣o野係每個人都會經歷,只不過係時間嘅問題,有啲人可能會早啲,有啲人可能會遲啲,不過其實咁早就接觸成年人嘅世界都未必係一件好事,因為咁樣就代表你唔再年青,唔再可以想點就點,唔再可以衝動,所以如果你有啲o野係好想做,但係又唔敢做嘅話,不妨鼓起勇氣,實實在在咁去做,"年輕不怕後悔"嘛★★★