今日朝早又要返學校練Oral,所以要十一點已經起咗身,跟住換衫,出門口....

練完Oral,我同阿Nat出咗旺角,喺"標記"食咗十蚊嘅雲吞麵加油菜~~超抵^^

跟住我同阿Nat逛咗陣新世紀廣場,陪佢睇咗啲謝師宴嘅衫,之後就搭火車去九龍塘....

去到九龍塘,搵埋Gordon,Cherry Tong同阿Ray之後,就搭的士去佐治五世國際學校聽人Debate(辨論)~~啲人超勁*v*

七點鐘,要趕番去天水圍幫人補習(八點要去到)~~超爆趕...o...0

八點三去到天愛苑,點知嗰個細路因為唔想補習而離家出走,原本我諗住走o架喇,點知嗰個細路個阿媽堅持要我入去坐陣,諗住等嗰個細路返嚟再幫佢補,之後佢就不斷同我傾計~~勁煩><"

九點幾,嗰個細路番咗屋企,但係佢一句o野都唔講,淨係喺間房玩icq同傾電話,佢阿媽叫我同佢傾吓計,起初佢原全當我無到,後尾我忍唔住,咪叫佢收線囉,跟住就同佢傾咗一陣~~發現佢原來都唔係自閉嘅,只係同佢阿媽溝通唔到....

之後,我叫咗威威陪我飲酒(喺佢屋企),講咗好多o野~~舒服晒^^

跟住,喺佢屋企睇咗半場波(日本對新西蘭),勁眼瞓加有啲頭疼,所以踢完半場就走咗~~好攰#_#"

返到屋企,同伊洛傾咗陣電話之後,已經攰到連日記都唔想寫,但係本著"今日的事今日做"嘅心態,所以就算勁眼瞓,都決定寫埋先瞓~~堅持~.~

三點左右,同阿Ken,威威出咗樓梯口吹水,點知遇到幾螳螂,嚇到半死...

四點幾,佢o地見我好攰,所以就決定離開,返屋企....

返到屋企,佢(我個朋友)竟然主動hi我
~~超爆開心^^

★★★有人話過"真心對人好,人o地總有一日會知道",但係"呢一日"究竟要等到幾時?我真係唔想再等落去喇,我真係好攰,好攰....我可唔可以放棄?咁多年嘅時間,心血,感情,青春....我都可以唔要,都可以忘記,只要你肯比我走....★★★