尋晚，同你傾計真係幾開心~~
因為真係好耐(最少有一年)冇同你傾過計喇！
同你傾開計，就令我諗番起我地係點相識……
對於我來講，呢次交友的經歷係我覺得最搞笑；
但係同時亦都係令我最難忙的！
若果唔係三年前，果次你無端端打電話黎玩我，
我就識唔到你呢個人。
諗番起個時，我覺得我自己都幾傻，
俾你玩左成個禮拜先知原來我唔識你……(‘ v ‘)#
哈哈……等我仲當左你係我個同學！
還記得暑假時成日同你吹水到好夜，
有一晚仲同你傾通宵到第二日朝早[ 我最長既電話記錄 ]！
其實，同你傾計真係好舒服同開心，
因為我覺得你係一個可以交心既人。
每次同你傾完計之後，心情都會好好多！
無論如何，真係幾開心你尋日聽左我講一大堆野，
哈~真係好喜歡有你一個咁樣既好朋友。
我諗這些咁唔平凡經歷係其他人好難有的，
而你亦唔只係我其中一個朋友咁簡單，
我諗我亦唔只係你一個朋友咁簡單吧！對嗎？
所以要好好珍惜！
下次你有心事，我一定會聽你的~~~知道嗎？
加油工作喔！！q(^O^)p