2006年6月2日，第一次獨個兒帶著行李遠行，不過，過程都真係相當"Lei" "Hair"...1110上機，正路8點出門口都好穩陣，但...一朝超大既雨，一個極惡劣既天氣，再加上一個兩個多小時既塞車，令我大失預算，響巴士度既我真係心急如焚，非常擔心。最後塞車搞到我10:30先到機場，一落車我就立刻衝去counter check in，地勤哥仔話我知1040入閘，頂！當時已經1030喇，唯有放棄辦已經辦好既香港落地簽證，趕去登機入閘。登機入閘number係88號，Damn！咁遠水路仲要搭無人駛，真係未去到台灣已經夠"Lei" "Hair"，不過仲有下文......雖然係一個唔順利既開始，但當我上到飛機坐定定之後都以為一天都光晒，可惜，出面個天好暗，係紅雨，再搭多一個雷暴警告送比我；飛機唔可以響惡劣天氣下、紅雨及雷暴警告起飛，我品嚐到有生以來第一個「飛機唔響空中、唔係飛緊既情況下既地上飛機餐」...食完都仲未起飛，當時我諗唔通班機會cancel!!!???......一等再等，一訓再訓，大約2點30分終於宣佈飛機可以起飛，好感動，終於行得喇。3:25左右，飛機降落台北桃園中正機場，好興奮！但..."Lei" "Hair"依然繼續，首先我要搞台灣落地簽證，搞！又未"唱"錢，唱！未填入境申報，填！此時電話響起，Stefaine...你一定等左我好耐喇...4點多...我終於步出機場大堂喇，預定12:50分到達，實際已經遲左成3個多小時，算了，最後終於安全到達！而Stefaine突然間已在我旁邊了...