今日第二日行程,六點鐘就morning call了，真係累死人了，一日去食自助餐早餐，然後去酒店個湖影相，發現成個湖結晒冰好得意呀，之後我地就起行去頤和園了，剛巧落雪呀，今次係一次喵喵同豬豬一齊見到真雪，真係好開心呀，頤和園又大又靚，可惜太凍了！下午去到紫禁城，嘩．．大到嚇死人呀，行來行去都行唔遠，行左兩個鐘，見到好多寶物，影完團體相，之後就去王府井大街遊蕩，無乜好行因為好似普通步行街一樣，反而書店仲多野睇，買左我最心愛的剪紙集同手鐲，今晚係紫禁城出面間餐廳食片皮鴨，都係無乜特別，係香港酒樓食好味ｄ，之後就夜遊天安門同長安大街，再返酒店休息了，可能今日係除夕，係酒店間房好多煙花睇呀．．好開心呀，最可惜係搭正十二點豬豬仲沖緊涼，陪唔到我一齊邊睇煙邊過年．．．