2005-01-15
星期六。

編委一年一度俾老鬼聚舊兼磨練新莊o既前景營又到~~~
不知不覺，唔經唔覺，自己已經係個老鬼，仲畢埋業。

記得當年自己為左上莊同一班志同道合o既朋友仔，為左一點點o既使命感、虛榮心而努力~~
每日廢寢忘餐咁睇書呀、會章呀、開會呀咁做籌備工作。
仲記得當年仲新人果時，出camp 坐van 仔，撞車。
有驚無險，福星高照，之後成個莊期雖然都有多少麻煩，總算順順利利。

見到班前輩，事業有成、博學、又有學識，真係好鬼羨慕。
自己去到佢地果個年紀會唔會好似佢地咁呢？
見到班新人俾前輩們問到口啞啞咁，有多少同情佢地，但係又覺得佢地抵死。
同情係有o的問題係故意刁難佢地的，抵死係睇得出佢地準備不足。

還記得當日成班人為左果幾本書仔辛苦左成年有多……
希望班新人好運啦……不竟付出越多，收獲越多。