新城電台2004頒獎禮終於係拆禮物日曲終人散

新城電台頒獎禮可算在四個音樂頒獎禮中(港台, TVB, 商台)最為人忽視, 衰D講句最無料到.
最為人所咎病既係這個聖誕老人年年都太公分豬肉, 獎項人人有份.
今年又史無前例地頒了超過一百個獎項, 真可以申請入健力士記錄大傳.


果一百個獎項裏面有D明顯巧立名目,無個樣整個樣.
大佬, 咩最佳跳舞歌曲獎都頒成四五個, 跟住又頒幾個卡拉OK獎, 又咩舞台獎咁, 家陣玩咩, 我提議下年不如增設最佳電影歌曲獎, 最佳電視劇主題曲及插曲獎, 將合唱獎分成人頭計: 二人合唱頒三個, 三人合唱頒三個, 四人也頒三個, 如此類推, 再頒咸魚翻生獎, 最佳原創非情歌K式歌曲, 最佳演釋情歌非K式歌曲, 最佳靜態歌曲(與跳舞歌曲分庭抗禮), 最佳非'咪咀'與'咪咀'男女歌手, 最有後台歌手, 最佳第二代歌手(如房祖名, 霆峰, 王從希, 霍震霆個仔....)等, 最重要頒個獎比一D冇獎既歌手(白果獎), 咁都可以冇獎, 難度仲高過拿傳媒大獎.


一D正常獎項如最佳新人同男女歌手又令人抓破頭皮都唔明, 一個新人獎分男女和組合可以理解, 但仲咩入唔到四甲(冇錯, 係四甲, 三甲加新人王)既全部都有咩咩優秀新人獎, 仲有八九個咁多.... 跟住最佳男女歌手又有咩勁爆亜洲, 勁爆男女, 勁爆國語... 真係亂到交關!
不如下年加勁爆東南亜歌手, 勁爆祖國歌手, 勁爆泛珠三角歌手, 勁爆潵尾以南歌手oY笨.
有D奬又係好令人費解, 好似美中不足咁, 明明拿左勁爆歌曲(即全年最佳歌曲)同卡拉OK獎, 又可以入唔到合唱歌既....


最後司儀素質問題, 幾乎近年都是她/他們三個, 這不是問題, 但得罪講句他們唔夠友台既司儀咁charm, 少左份charisma...... (可能係新城marketing問題), 而且唔知做咩成日將'小城大事'讀成'大城小事', 莫非話緊自己頒獎禮只係大城裡的小事...咁有無'女郎按摩', '位置的吻別', '大家娛樂'!?
所以TVB醒目, 以咁上下'份量'既劉焯琪做主持(佢都讀左'大城小事'), 已相當俾面.
筆者提議甘生下年可以同亜視合併一起搞頒獎禮, 負負得正往往係恆常既道理....


獎項本身係對歌手一種致敬, 鼓勵, 但淪落到有如一街的hello kitty磁貼, 便是一種侮辱...........