今日,我做左件好白痴ge事
就係係對面馬路望住你啦~
唔知道你見唔見到我...
我一直都好想知道你而家係邊度返工
但係我明白你係唔會同我講ge
而家ge你~連望多我一眼都覺得係多餘ge
所以我只能夠偷偷地咁望住你

今日~我終於等到一個機會
去完銀行出黎ge時候啱啱好差唔多係你返工ge時候
我企係對面馬路個巴士站度好似係度等巴士咁
而咁啱幾分鐘後就見你出大門口
今日你著左件淡紅色ge恤衫
我捻應該係買左無幾耐,
因為之前你都係著淺藍色同白色恤衫
可能有人買畀你
因為男仔一般都唔中意著嗰隻色
雖然我唔願意接受呢件事實
但係有時有d嘢唔係話唔接受就係冇事ge

不過我都發現左一件好得意ge事
就係今日你居然唔記得自己將架車泊係邊
真係大頭蝦啦...嗰一刻我覺得好好笑
係我眼中你係完美ge
所以呢種情況我捻好難先會遇到一次
不過我唔會話畀其他人知ge
因為呢件事將會係我心中ge一件小秘密

應該話除左你同我之外唔會有其他人知...^^我會幫你守秘密架...