而家其實已經唔再用呢個日期網..
我唸都冇人會睇... 哈, 就係因為冇人會睇
呢度...就好似當唔開心時, 係一個冇人知既地方, 宣洩一番咁...

分開左一段長時間..
以為自己咩都睇得通睇得透... 而家已經可以放得低,
原來, 見番面, 竟然仲有掛住既感覺...
雖然理性話我聽冇可能一起, 而我有機會都唔想再見佢

但仍然會掛住佢, 就好似熄曬所有電制,
但有一棵燈仍然都係著, 因為個電制係壞...
點解呢?

不過我相信, 總會淡忘 (包括o個份掛住既感覺)

或者我真係好傻,
佢只當我係佢身邊一個過客, 而我就玩認真

我計過, 我同佢o係街見過三次, 三次佢都係同一個女仔一起..
三次都係同女仔去買野

講真, 我真係冇咩幾何o係街見過同一個朋友咁多次
或者, 我地真係有緣無份

***

我唔再憎佢, 但都唔當佢係朋友...
更加唔會等佢...

更加唔會祝福佢, 因為你唔會無啦啦去祝福一個陌路人... 除非你係傻架啦

可能只係記住, 我曾經愛過佢已經足夠