我手上既summer program終於都差唔多完成晒啦, 今個week仲有難得既3天大假tim, 加埋放早同返晏, 嚴格o黎講係有4日tim架~ ^0^ 第1件事梗係要好好訓返夠本先啦, 呢排3節又3節, 再加埋d program, 都扯得好盡下~ 而且同雨神合辦既program仲攪到由頭濕到落腳, 由面濕到去底, up到乾晒之後個人仲依然成日覺得好凍啦, 到夜晚同雷神走又落勁大雨, 我踢住對拖由中心行去亡命再加埋返到屋企足足用左成粒鐘呀...最憎落雨踢拖架啦, 成隻腳都係泥沙, 成個水氹好似幫我洗腳咁, 實在係非常難受囉~~

不過最黑仔既原來尚未來臨, 第2日要攪嘉年華會, 正當我趕住出門口之際, 佢竟然同我玩困lift囉, o矣~住左係到咁耐都未試過架~~仲要攪左好耐先上得返岸........希望d黑氣快d離我而去啦, 等我平平淡淡咁過呢4日就已經好滿足架啦~