近來因為某d原因所以成日都會聽到彩虹下的約定, 之前只係係電視聽過前奏, 第一次聽晒全首都覺得冇咩野, 但聽多幾次之後就覺得都幾舒服, 有種幸福的感覺, o係唔常見到既彩虹下作出約定, 都係幾難得既事呀~

約定通常都會同承諾扯上關係, 訂下約定既時候, 都會想可以被實踐, 許下承諾既時候, 亦會想可以被兌現, 但每次應承別人既事, 又係咪真係每件都做到呢, 即使約定時如何雀躍, 做唔到只會教人更感失望~ 自己d記性好差, 好多野講過, 做緊, 應承左, 轉個頭就冇左件事, 好幾次都令到身邊既人失望了…….希望大家可以俾多dd時間我去改啦, 改緊架啦, 我會記住我地既約定~

今晚返屋企個陣, 對自己個小區竟然有好陌生既感覺~ 冇啦啦唔見左間許留山, 但佢隔離又多左間餅店喎, 再行下竟然突然o係一個平時好黑既位置, 多左一間光殘殘既7仔出現, 隔離仲搭多間新網吧tim, 機舖既門口又冇啦啦多左一張佔地好大既跆拳poster, 所以野都好騎騎呢呢, 好un眼咁, 一時間完全接受唔到囉~~ 其實我都係冇經過呢到一個月到姐, 個變化竟然可以大到咁…….係自己既適應能力太差, 定還是一開始將d野太理所當然左, 其實佢地從來都未親切過, 一直都係咁陌生、咁多變~



親愛的你，追尋過彩虹的另一端嗎？
童年的你，想過把彩虹當作是溜滑梯嗎？
現在的你，看到彩虹仍滿懷憧憬嗎？
陽光下的你， 看到彩虹還會放寬腳步嗎？
雨中的你，看到彩虹會微笑嗎？
淚中的你，看到彩虹會揮掉淚滴嗎？
還是...彩虹對你，只不過是光和水的反射而已？......
讓我們用音符來告訴你一個故事：
彩虹是為你所造的...你...相信嗎？