今日上埋最後一堂psychodrama, 叫大家分享下工作上既野, 原來都有好多人遇到唔同問題同煩野, 諗起自己都算幾好彩, 起碼d同事同老細都幾好, 隱憂總會有, 但呢d野去到邊都好難走得甩架啦, 惟有做好自己啦, 起碼對得住自己~

坦白講, 我都唔係好消化到呢6堂學到D咩, 似有還"毛"咁, 真係好皮毛, 睇佢帶我地玩既情境遊戲都ok好玩啦, 但玩完之後又冇咩點講d帶領技巧同要點喎,就好似玩完就算, 可能大家既expectation有差距啦, 自己除左想去玩之外都想學到點帶返其他人玩。不過我覺得d情境games都幾有用, 可以幫到人更容易去release自己既情緒同感受, 好似今晚咁, 每個人既角色已經唔係扮演某d人既反應, 而係扮演某d角色但就做返自己既反應同回應, 會加左個人情感落去個角色到。之後同ah sir佢地去食飯個陣, 傾傾下真係覺得同叫個個人就咁講件事或者自己既感受出o黎, 個效果會好唔同, 作為幫當事人去釋放感受既工具都幾好使架(如果我識使), 甚至連帶扮演佢身邊角色既人都可以release埋, 好似今晚咁, 好多同學仔都將自己係工作上既感受同經驗放左落自己既角色到, 大家做完都覺得宣洩左, 所以呢個堂雖然唔係好抵上, haha, 但係總算識多樣野啦~

今晚同個舊同學仔一齊走, 同佢傾起搵工既野, 雖然有好多框框框住左, 但與其有bias辛苦自己又為難人地, 總好過$字行頭埋沒良知呀, 雖然條路行得比人地辛苦d, 但對得住自己, 知自己想要咩, 做緊咩先係最重要架, 俾d心機呀, 大家都被迫要瘦完再瘦, 試下諗下當初點解會揀呢科讀呀, 談唔上理想, 但總會有自己既堅持同執著, 撐你呀~

其實呢排身邊都有好多朋友搵緊工, 但個市道就差到得人驚咁話, 冇計啦, 你揀人時人揀你, 時機可能未到, 就增值下自己(技能同金錢上既)同坐穩這山先囉, 那山就係前面架咋, 一定唔會一事冇成架, 一齊加油啦, 要對自己有信心!!! 希望你地都快d搵到o岩心水既工啦~

P.S.原來老師係住南y島架, 實在太令人羨慕啦, 呢個都算係我的志願呀, 諗起都開心呀~~