今年已經係第5年去晚會啦~ 今次除左一如以往咁有悼念儀式之外, 仲加左反23呢個agenda落去。

今年對比起往年都少左好多悲情場面, 可能同今年個主題都有關啦~雖然反23同可唔可以舉行集會有好大關係, 但我總係覺得怪怪咁, 一個悼念晚會係咪唔需要加咁多宣傳同煽動元素呢, 我唔知呀,可能成件事就係由一場政治角力開始, 所以唔會走得出呢個框框啦~ 呢d野我唔識呀, 我只係覺得我o黎既目的冇咁複雜囉~

唔知係咁O岩定真係多呢, 今年係我坐既附近周圍有好多人都帶埋D仔女O黎, 有D仲好細, 得3, 4歲到, 個個個樣都好得意架~ 我諗雖然呢一刻佢地未必會知O黎為咩同究竟發生咩事, 但係俾佢地去親身發現當年發生個D事, 點都俾只係睇教科書同咩都不聞不問好, 可能最終佢地會覺得唔值得為呢件事做任何野, 但父母係有責任俾個機會佢地去知道個真相囉~

不過咁多年同我去既人都買少見少lu, 一O黎想去既人唔多啦, 有D去完一次就未必會再去, 所以我都冇主動約人去, 有時咁O岩講起知道大家都會去既咪睇下約唔約到囉, 又唔係一大班FD出O黎gathering, 自己意願先係最緊要既~
我有時都會諗其實去唔去晚會都係一種形式姐, 有心既係邊到悼念都一樣得架, 有d好似去係做俾人睇咁既感覺~ 但係我諗每年一次大家聚埋一齊個意義係唔同既, 自己去唔係為左做俾人睇咪得囉, 比起當年佢地既勇氣, 用一年一次既晚會o黎懷念同記得只係好少好少既表示, 令所有人都知道佢地所做既野冇論對錯都好, 大家都係唔會忘記架~
如果可以平反到就梗係最好啦......

P.S.今日去東平州見到個好得既小朋友, 我諗佢大個一定會好得架, 最攪笑係睇住佢係船上既一舉一動, 仲成功偷影到佢呀, 我諗佢咁得都唔介意俾人分享下掛, HAHA~