雖然仲係月頭, 但係我戶口既存款數字就已經不斷咁下調緊, 都只怪自己呢排玩得太多啦, 紅假都未到就咁啦, 到月尾我會唔會食穀種呢~~HAHA

前日去左人地屋企睇戲,睇返異度空間, 其實上過陣都想睇架啦, 不過而家會更加想姐~ 套戲真係幾得喎, 幾緊湊冇咩悶位, 而且都幾多位令人有D思考空間呀~有時好多野唔係人地唔放過你, 只係自己唔放過自己, 好多時以為冇得揀, 冇得避, 其實都係視乎你肯唔肯係個困局到走返出O黎。好記得哥哥有段對白既意思係: 有d你好討厭既野如果你放唔低, 改變唔到, 不如試下接受佢, 改變自己既睇法先有機會幫到自己。唔知點解聽完之後都有d"丁"一聲既感覺呀~
不過個晚之後我就開始病啦, 我諗係作腸胃炎呀, 希望快d冇事啦~

P.S. 我知你係為我好架, 所以我係會去睇醫生架, 不過唔係咁快姐, 睇定D先啦, 不過都好多謝你呀~~ ^0^